Songs 92:5 - Hawaii Pidgin Bible

⁵ Eh! Da One In Charge, All da kine tings you do Stay awesome to da max! An gotta tink plenny fo undastan All da tings you make plan fo do!

Songs 92:5 ပူးပေါင်းရင်းမြစ်များ

Songs 104:24

Eh! You Da One In Charge! Get choke plenny tings you wen make! An eryting you make, You know wat you stay do! Da world stay full A da tings you wen make.

Songs 111:2

Real importan, all da tings Da One In Charge stay do. Da peopo dat stay good inside Cuz a da tings Da One In Charge do, Good dey try fo undastan Wat he stay do.

Songs 139:17

Eh God! Az real deep, Da way you tink bout me! Da stuff you tink bout me, No can count!

Songs 36:6

How you do da right ting erytime— Dass awesome, Jalike da mos big mountains! Da way you tell Wass right an wass wrong Cuz you da judge, Dass deep, Jalike da mos deep ocean! Eh! You Da One In Charge! You stay get peopo an animals Outa trouble.

Songs 40:5

Eh! You Da One In Charge! You my God, An you do plenny awesome kine stuff! You do awesome kine tings fo us guys! Da tings you plan fo do, Az good fo us guys! No mo nobody jalike you! I like tell peopo wat you do, But get uku plenny stuff fo tell, No can tell eryting!

Songs 64:6

Dey make one plan fo do Real bad kine tings, an tell, “Us guys wen plan um out real good!” Fo shua, real sly kine Wat peopo tink, you know!

Songs 66:3

Tell God: “Skery, Da awesome tings you do! Cuz you get supa plenny powa, Even da peopo dat stay agains you Gotta tell dat you da greates, No matta dey no like talk lidat!

Teacha 7:24

Wateva dat mean fo know wat fo do erytime, Stay far away, an hard fo undastan. No mo nobody can find out wat dat mean!

Isaiah 28:29

So all dis stuff dat da farma guys know, Dass one mo ting dat come from Da One In Charge, Da God Ova All Da Armies. Wen he teach peopo how fo do someting new, Dea jaw drop! Fo shua he know how fo do Importan kine stuff erytime!

Jeremiah 23:20

Wen Da One In Charge come huhu, He goin stay huhu Till he pau do eryting he plan fo do from befo time. You guys goin undastan all dis, Bumbye wen da right time come.”

1 Corint 2:10

But fo us guys, God show us all da stuff we neva know befo time cuz God Spirit stay in charge a us. Da Spirit, he undastan wat eryting mean. He even know eryting bout God, even wass hard fo us undastan.

Jesus Show 15:3

Dey stay sing jalike Moses, da guy dat wen work fo God, an jalike God Bebe Sheep Guy. Dey sing: “God, you Da One In Charge! You Da God Dat Get All Da Powa. You do big an awesome stuff. You erytime do wass right an wass true. You da King fo all da diffren peopos foeva an eva!