Songs 92:4 - Hawaii Pidgin Bible

⁴ Cuz Da One In Charge, You make me stay good inside Cuz a da tings you do awready. I like sing real loud cuz I feel real good, Erytime I tink bout da tings you do Cuz a yoa powa.

Songs 92:4 ပူးပေါင်းရင်းမြစ်များ

Songs 104:31

I like Da One In Charge Stay real awesome foeva! I like Da One In Charge Stay real good inside Cuz a da tings he wen make!

Songs 104:34

Wen I tell him da tings I tink bout, I like him tink, “Dass good!” I goin stay real good inside Cuz I stay tight wit Da One In Charge!

Songs 126:3

Az fo shua, Da One In Charge Stay do plenny good tings fo us. Az how come us guys Stay real good inside!

Songs 143:5

I no foget how was, Long time befo time. I tink plenny Bout all da tings you stay do, An da tings you wen do befo time.

Songs 33:2

Play da small kine harp fo tell Dat Da One In Charge, he da greates. Play da ten-string harp fo sing fo him.

Songs 64:10

Da peopo dat stay do wass right, Dey goin stay real good inside Cuz a Da One In Charge. Dey goin stay tight wit him, So den he no goin Let notting hurt dem. Erybody dat get One good heart fo do wass right, Dey goin tell dat Da One In Charge, He da bestes!

Songs 8:6

You wen put us peopo in charge a da tings you wen make, You wen make us take kea eryting,

Songs 90:16

Us guys dat work fo you, We like see da tings you do, We like fo oua kids see How awesome you stay.

Jeremiah 31:7

Dis wat Da One In Charge tell: “Yell, cuz you stay good inside, Bout how da peopo dat come from Jacob stay! Yell fo da nation dass mo importan den all da odda nations! Let erybody hear dat you tell good stuff bout Da One In Charge. Tell: ‘Da One In Charge, get yoa peopo outa trouble, All da Israel peopo dat stay alive still yet.’ ”

Luke 1:47

I feel real good inside Cuz God take good kea a me.

John 16:22

Same ting wit you guys: Now, you guys stay sad an crying inside, but bumbye I goin see you guys one mo time, an den you guys goin stay good inside. Dat time, no goin get nobody fo make you feel bad one mo time.

2 Corint 2:14

But no matta wea I stay, I like tell God “Mahalo plenny!” Cuz Christ, he lead us in his winna parade, cuz us guys stay tight wit him. Wen peopo see us, dat show how awesome fo erybody know Christ. Dass jalike wen someting smell real good, an erybody can smell um.

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”