Songs 92:3 - Hawaii Pidgin Bible

³ I stay play da ten-string harp An da twelve-string harp, I stay play da small harp Fo help me tink plenny bout you.

Songs 92:3 ပူးပေါင်းရင်းမြစ်များ

1 Records 13:8

David an da odda Israel guys go all out fo dance an sing in front Da One In Charge wit small harp, bass harp, tammorine, cymbal, an metal trumpet.

1 Records 15:16

Same time, David tell da leada guys fo da Levi ohana fo pick some a dea braddahs fo come singa guys, fo sing da kine songs dat show dat da peopo stay real good inside. Dey goin use da kine tings dat make music: da twelve-string bass harp, da small harp, an da loud high cymbals.

1 Records 23:30

An dey stan ery morning fo tell Da One In Charge “Mahalo!” an tell good stuff bout him. Dey do da same kine stuff wen almos come dark.

1 Records 25:6

All dese guys get dea faddahs in charge a dem, fo sing inside da Temple Fo Da One In Charge, wit cymbals, bass harp, an small harp. Az was dea kuleana from da king fo da Temple Fo God. Da king stay in charge a Asaf, Jedutun, an Heman.

2 Records 20:28

Dey go inside Jerusalem, wit bass harps, small harps, an metal trumpets, an go da Temple Fo Da One In Charge.

2 Records 23:5

Anodda one a yoa teams goin go guard da king palace. Da odda team goin go da Foundation Gate. All you odda army guys goin guard da open lanais aroun da Temple Fo Da One In Charge.

2 Records 29:25

Den da king tell da Levi guys go stan inside da Temple Fo Da One In Charge. Dey carry da cymbals, ten-string harps, an small harps, jalike David wen tell um fo do. David wen do dat, da time Gad da guy dat know wass goin happen, an Nathan da guy dat talk fo God, wen tell David wat Da One In Charge like him do. Da pries guys get da orda dat Da One In Charge give da guys dat wen talk fo him.

Nehemiah 12:27

Da time come fo da ceremony fo tell da peopo da spesho tings God like do fo dem cuz dey get da new town wall aroun Jerusalem. Dey sen peopo all da place da Levi ohana guys live, fo bring all a dem to Jerusalem town fo erybody make one big party fo God cuz dey stay feel real good inside. Dey tell God he awesome, an dey sing, an dey play cymbal an bass harp an small harp.

Songs 149:3

Tell good tings bout Da One In Charge Cuz you know wat kine god him! Dance fo tell good tings bout him, An play tammorine an small harp, An sing fo him!

Songs 33:2

Play da small kine harp fo tell Dat Da One In Charge, he da greates. Play da ten-string harp fo sing fo him.

Songs 42:9

I goin talk lidis to God: “Eh! You jalike One big solid rock fo me! So, how come You wen foget bout me?! How come I gotta live all sore inside, Erytime da peopo dat stay agains me, Come afta me?!”

Songs 57:8

I like wake up An make ready my small harp An my bass harp, An get up befo da sun come up.

Songs 68:25

Da singa guys go inside firs, Den da music guys, An girls playing da tammorine.

Songs 9:16

Da One In Charge, he let peopo know him. An he tell who do da right ting An who no do da right ting. Da peopo dat do bad tings, Da tings dey stay do goin make trouble fo dem. (Time out fo da music.)

1 Samuel 10:5

“Afta dat you goin go by Gibeah, God place. Get some Filisha army guys camp dea too. Wen you go nea da town, you goin meet some guys dat talk fo God dat stay come down from da sacrifice place on top da hill. Dey stay wit some odda guys dat stay play small harps, tammorines, flutes, an bass harps in front dem. An da talka guys goin stay talk fo God.