Songs 92:1 - Hawaii Pidgin Bible

¹ Good, fo tell erybody Dat you da greates, Da One In Charge! Good, fo make music Fo erybody know who you, Da God Dass Mo Importan Den All Da Odda Gods!

Songs 92:1 ပူးပေါင်းရင်းမြစ်များ

Songs 107:1

Eh you guys! Tell good tings Bout Da One In Charge, cuz he good, An he stay tight wit his peopo foeva!

Songs 107:15

Good, dose peopo tell good tings Bout Da One In Charge Cuz he stay tight wit his peopo, An he do awesome kine stuff Fo peopo all ova da world.

Songs 107:8

Good, dose peopo tell good tings Bout Da One In Charge, Cuz he stay tight wit his peopo, An cuz he do Awesome kine stuff fo erybody.

Songs 135:3

Tell good tings bout Da One In Charge, Cuz he good! Tell wat kine god him wit music, Cuz make you feel good Wen you wit him.

Songs 147:1

Eh you guys! Tell good tings Bout Da One In Charge! Cuz az good, you know, Us guys sing fo oua God. Az nice, we tell good tings bout him.

Songs 33:1

Eh! All you guys dat get um right Cuz you stay tight Wit Da One In Charge, Go yell Cuz you guys feel good inside! Az good wen you peopo Dat stay do da right ting Tell how awesome him!

Songs 50:23

Da peopo dat stay tell me ‘Mahalo!’ Fo wat I do, Dey da ones make Da real kine sacrifice Fo show how awesome I stay. An da peopo dat stay do eryting my way, Me God goin make shua dey see How I get um outa trouble.” Dass wat God tell.

Songs 52:9

I goin tell erybody I yoa guy, all da time, You da one wen do all dat. In front da peopo dat stay tight wit you, I goin tell wat kine god you, Cuz you real good!

Songs 54:6

I goin make one sacrifice fo you, Jus cuz I like do um. I goin sing bout wat kine god you, Cuz you good, Da One In Charge.

Songs 73:28

Fo me, da bestes ting is dis: Fo me come mo tight wit you, God. Eh! Da One In Charge, my Boss, I go by you fo you proteck me! I goin tell erybody Bout all da awesome tings You stay do!

Songs 82:6

God tell: “Me, I wen tell dis awready: You guys, peopo tink you ‘gods.’ All you guys, litto bit like me, Da God Dass Mo Importan Den All You Odda ‘Gods.’

Songs 92:8

But you, you Da One In Charge, An you stay Da mos importan one foeva!

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Daniel 5:18

“King Belshazzar, lissen up! Da God Dass Mo Importan Den All Da Odda Gods, he wen make yoa faddah Nebukadnezzar come king. He make him come mo importan, an make peopo get respeck fo him, an make him awesome.

Efesus 5:19

Den you goin talk to each odda wit songs from da Bible, an songs bout God, an da kine song dat God Spirit give you. An you goin sing an play fo Da One In Charge cuz dass how you like do um.

Hebrews 13:15

Us guys, oua ancesta guys wen make sacrifice fo show dey like tell plenny good tings bout God. Az why same ting, us guys goin tell erybody dat us God guys cuz we know who him! Dass why us guys can tell plenny good tings all da time bout how God stay. An we can do all dat cuz a Jesus.

Hebrews 4:9

So den, dat mean, get one res day fo God peopo still yet, jalike da Numba Seven Day, dat time God wen res.