Songs 9:6 - Hawaii Pidgin Bible

⁶ Dass why, da peopo dat stay agains me, Dey all come wipe out. Dea place fo live, gone awready, An no goin come back. You bus up dea towns, An nobody even rememba dea name.

Songs 9:6 ပူးပေါင်းရင်းမြစ်များ

2 Kings 19:25

“ ‘You neva hear dis long time befo, o wat?! Me, Da One In Charge wen make da plan bout all dis. From befo time, I wen set up eryting. Now, I stay make um all happen jalike I tell. Dass how come you can make big towns dat get strong wall Fall down an come piles a rocks wea nobody live.

Job 18:17

Nobody in da world rememba dem. Erybody foget wat kine guys dey was.

Songs 34:16

But Da One In Charge stay agains Da peopo dat stay do bad kine stuff. He goin wipe dem out from dis world, So nobody even rememba who dem.

Songs 34:17

Erytime dey yell to Da One In Charge, He lissen dem, An he get um outa All da trouble dey stay in.

Songs 46:9

An all ova da world, He make peopo pau fight So dat no mo war. He broke dea bows fo shoot arrow, An broke dea spears too, An burn up dea shields wit fire.

Songs 7:5

If dass wat I wen do, Den okay fo da guys dat stay agains me Chase me an catch me. Okay fo dem poun me on top da groun an kill me An leave my mahke body on top da dirt. (Time out fo da music.)

Songs 8:2

Even da tings dat come Outa da mout a kids an small bebes, You use dat! You show you get da powa Fo handle da peopo dat stay agains you An hate you An like pay you back.

Outa Egypt 14:13

Moses tell da peopo, “No sked! Stan right dea an watch. You guys goin see Da One In Charge get you guys outa trouble, an he goin do dat today. You see dose Egypt guys ova dea? From today, you no goin see dem no moa, eva!

Outa Egypt 15:16

Dey so much sked an shaking, dey donno wat fo do. Cuz a you, you strong. Dass why dey no move notting. Dey jus stan dea jalike one stone an no talk notting, Till yoa peopo go all da way da odda side, Da One In Charge, Till da peopo go da odda side, Dey da ones you wen free up!

Isaiah 14:17

He make da earth come all empty An bus up all da towns. He no even open da door Fo let da prisona guys go home!”

Isaiah 26:14

Now, all dose odda boss guys, mahke awready. Dey no goin come back alive no moa, Dea spirits no goin come back. Dass cuz you punish dem awready. You wen bus um up An wipe out eryting bout dem, So peopo no tink bout dem!

Isaiah 37:26

“ ‘Eh Sennakerib, you neva hear, o wat? From long time me, Da One In Charge, wen start fo make all dis happen, Befo time, I wen make da plan dat way awready, An now I stay make um happen— Fo you bus up da towns dat get strong wall An make um come uku pile a rocks,

Jeremiah 51:25

Da One In Charge tell: “I da One stay agains you Babylon guys, You jalike one volcano dat wipe out da whole earth. I goin use my powa agains you, An roll you off da cliffs. I goin make you jalike one mountain dat stay all burn up.

Micah 7:10

Den da peopo from odda lands dat stay agains me goin see dat, An dey goin come plenny shame in front erybody. Cuz dey wen make fun a me an tell, ‘Eh! Yoa God, Da One In Charge, wea he stay?!’ But I goin see dem lose face! Dey goin come jalike da mud dat get on top da streets, Wen peopo walk all ova um.

Micah 7:8

You guys dat stay agains me, No laugh bout me! No matta I fall down, I goin stan up one mo time. No matta jalike I sit inside one dark place, Da One In Charge goin stay jalike one light fo me.

1 Corint 15:26

An get anodda ting dat stay agains us guys—us gotta mahke. Dass da las ting God goin wipe out. Den from dat time, nobody goin mahke.

Jesus Show 20:2

He grab da Dragon, da snake dat wen stay from befo time. Dass da Devil, an dey call him Satan, Da One Dat Stay Agains God too. An da angel lock up da Devil wit one chain, an he stay dea fo one tousan year.

1 Samuel 30:1

Dis wat happen den. Same time wen David dem stay come, da Amalek guys stay rip off stuffs inside da Negev Boonies an Ziklag town. Dey attack Ziklag an burn um. Dey grab da wahines an erybody dat stay ova dea, da young ones an da ol ones too. Dey no kill nobody, but make dem go wea da Amalek guys like go. Three day afta David an his guys go way from Akish, dey come Ziklag.

1 Samuel 31:7

(Da Israel army guys dat stay da odda side a da Jezreel valley, an da ones dat stay da odda side a da Jordan Riva, dey see dat da Israel army guys wen run away, an dat Saul an his boys mahke. So dey bag from dea towns an run away too. An da Filisha guys come an start fo live inside dose towns.)