Songs 9:18 - Hawaii Pidgin Bible

¹⁸ Nobody tink bout da peopo dat no mo notting. But no goin be lidat foeva. Da peopo dat not importan trus Dat bumbye, God goin help dem, An no mo nobody goin take dat away from dem.

Songs 9:18 ပူးပေါင်းရင်းမြစ်များ

Songs 102:17

Wen da peopo dat no mo notting pray, He goin lissen. He no goin tink Da ting dey tell him fo do, ony junk.

Songs 102:20

Fo lissen how da prisona guys stay moan, An fo let go da guys Da govmen goin kill fo punish dem.

Songs 109:31

Cuz wen somebody need help, Da One In Charge, He stay right dea by dem Fo get um outa trouble, No matta odda peopo Like judge dem an kill um.

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Songs 139:19

Eh God! I like fo you kill da peopo Dat do bad tings! All you killas, get outa my life!

Songs 50:22

You peopo dat ack jalike God no matta, Tink real good Bout all da tings I tell you. Cuz if you no lissen, I goin rip you guys up, An no mo nobody Goin get you outa trouble.

Songs 71:5

You my boss, an I stay shua Dat bumbye you goin do Good tings fo me. Eh! You Da One In Charge! From da time I was one young boy, I still stay trus you.

Songs 72:4

Wen da king judge his peopo, I like fo him make shua Fo help da pooa ting guys. An fo da ohanas dat need plenny, I like fo da king get um outa trouble An poun da ones Dat like take away dea rights.

Songs 9:12

Wen peopo dat suffa but no can do notting Yell to Da One In Charge fo help, He lissen, an he no foget. Dass why he go afta da ones dat kill his peopo.

Smart Guys 23:18

Cuz fo shua, bumbye, Wen you come ol, yoa life goin be good. Da tings you stay wait fo get, You know you goin get um.

Smart Guys 24:14

Fo shua, if you know wat fo do erytime, Dat goin make you stay good inside, Jalike wen you eat honey. If you learn wat fo do erytime, Den wateva happen afta dat, eryting goin be good. Fo wateva you stay wait fo, Notting goin hold all dat back.

Luke 1:53

He stay give da hungry peopo Good stuff fo eat, An he stay sen away da rich guys Wit notting.

Luke 6:20

Jesus look da guys he stay teach an tell, “You guys dat stay pooa now, You can stay good inside Cuz God, he yoa King!

James 2:5

Eh, my good frenz! Lissen! Get peopo inside dis world, an odda peopo tink dey notting, jus cuz dey pooa peopo. But dass da ones dat God pick fo come his peopo, aah? So dey trus him plenny, jalike dey rich inside. Cuz God da King, an dey jalike his kids. He goin give dem all da good kine stuff dat he promise awready to all da peopo dat get love an aloha fo him.