Songs 9:16 - Hawaii Pidgin Bible

¹⁶ Da One In Charge, he let peopo know him. An he tell who do da right ting An who no do da right ting. Da peopo dat do bad tings, Da tings dey stay do goin make trouble fo dem. (Time out fo da music.)

Songs 9:16 ပူးပေါင်းရင်းမြစ်များ

2 Kings 19:19

Da One In Charge, you da God fo us guys! Help get us outa Sennakerib powa! Den all da kings in da world goin know fo shua dat you Da One In Charge, az da ony God dass fo real!”

Job 18:9

One trap grab dea heel. Dey no can get outa da rope aroun dea leg.

Songs 11:6

He goin make fire fall down On top dose bad kine peopo, jalike was rain. He goin punish dem wit burning sulfur an hot wind.

Songs 140:9

No let dose guys stan aroun me An ack jalike dey da winna! Da kine trouble dey tell Dey like do to me, Let um happen to dem, not me!

Songs 19:14

Eh! You Da One In Charge! Eryting I tell wit my mout, An eryting I tink, I like fo all dat be wat you like, Cuz you my solid rock, An you da One dat get me outa trouble.

Songs 48:11

Da peopo dat stay live Mount Zion Stay good inside. Da peopo from da towns All ova Judah side, Stay good inside too. Cuz you judge peopo da right way.

Songs 5:1

Eh! You Da One In Charge! Try lissen wat I goin tell. Try tink how come I stay moan.

Songs 7:16

All da trouble dey make, Goin come back to dem an make um suffa. Cuz dey bus up odda peopo, God goin bus dem up.

Songs 92:3

I stay play da ten-string harp An da twelve-string harp, I stay play da small harp Fo help me tink plenny bout you.

Outa Egypt 14:10

Da Pharaoh guy, he stay come nea now. Da Israel peopo, dey look an see da Egypt army guys stay come afta dem! Da Israel peopo come real sked! Dey yell fo help to Da One In Charge.

Outa Egypt 14:31

Wen da Israel peopo see how Da One In Charge use his awesome kine powa fo wipe out da Egypt guys, da peopo come sked an get awesome respeck fo Da One In Charge. Cuz a dat, dey stay trus Da One In Charge an his worka guy Moses.

Outa Egypt 14:4

I goin make da Pharaoh guy come hard head, so he goin like go afta you guys. Wen he do dat, I goin use da Pharaoh guy an all his army guys fo show erybody how awesome I stay. Da Egypt peopo goin find out dat me Da One In Charge fo real kine!” So da Israel peopo do wat God tell um fo do.

Outa Egypt 7:5

Da Egypt peopo goin know fo shua dat me Da One In Charge, wen I use my powa agains da Egypt peopo an get you Israel peopo outa da place wea you stay.”

Smart Guys 12:13

Wen da bad kine peopo grumble bout God, Dey get into trouble an no can get out, Jalike one trap catch dem. Wen da peopo dat do wass right get into trouble, Dey can get out.

Smart Guys 6:2

Dass jalike you stay get trap Cuz a wat you wen tell. Cuz a yoa big mout, Dey catch you.

Isaiah 28:13

Az why, fo dem guys, wat Da One In Charge tell um Goin be jalike wat he tell befo time: “Do dis, do dat, One rule, anodda rule, Litto bit hea, litto bit dea.” An dey goin go way, But den dey goin fall on dea okole. Dey goin come all bus up. Da army guys goin grab dem An dey goin come prisonas.

Isaiah 8:15

Jalike plenny peopo goin fall down ova dat big stone, An come all bus up. An jalike dey goin get stuck inside dat trap An come prisonas.

Daniel 6:25

Laytas, King Darius write fo all da diffren peopos from ery country, an ery language, dat live all ova his land. He tell: “I like eryting come real good fo erybody.

Local Leadas 1:7

Den Adoni-Bezek tell dem, “Get seventy king guys, I wen win ova dem. I wen cut off dea thumbs an big toes. I make um pick up da crumbs from unda my table. Wat I wen do to dem guys, God pay me back same ting!” Da Judah guys take him Jerusalem side, an he mahke ova dea.

1 Samuel 17:46

Today, Da One In Charge goin turn you ova to me. I goin bus you up, an cut off yoa head. I goin give da mahke bodies from all you Filisha army guys to da birds an da wild animals fo eat. Den da peopo all ova da world goin know dat us Israel guys get one God dass fo real kine!