Songs 9:14 - Hawaii Pidgin Bible

¹⁴ So wen I go back Zion Town, I goin tell bout all da awesome tings you do! I goin show dat I stay good inside Cuz you wen get me outa trouble.

Songs 9:14 ပူးပေါင်းရင်းမြစ်များ

Songs 106:2

No mo nobody can tell All da tings Da One In Charge do Cuz he strong, An no can tell eryting Bout how awesome him!

Songs 13:5

But me, I stay trus you, you know. You goin stay tight wit me cuz I yoa guy. Bumbye you goin get me outa trouble, An I goin dance an sing.

Songs 20:5

Eh King! Wen God make you win da war, Us guys goin make big noise cuz we stay good inside, An we goin wave flag Cuz we know wat kine god we get. I like Da One In Charge make eryting happen Dat you aks him fo do.

Songs 21:1

Eh! You Da One In Charge! Da king real happy Cuz you stay strong! Da king like throw one party Cuz you wen help him win da war!

Songs 22:22

Afta you get me outa dis, I like tell my braddahs an sistahs Wat kine god you. All my peopo goin come togedda, An I goin tell um how awesome you stay!

Songs 22:25

Eh God! You da One I like tell erybody bout! Wen choke plenny peopo come togedda, I goin tell good tings bout you. I goin make all da sacrifices I wen promise fo make An I goin do um in front da peopo Dat feel jalike dey sked wen dey wit you.

Songs 35:18

Wen you do someting Weneva choke peopo come togedda, I goin tell dat I yoa guy. Wen get mo plenny peopo Den can count, I goin tell good tings bout you.

Songs 35:9

Den, I goin come real good inside cuz a Da One In Charge, An I goin feel real good Cuz he get me outa trouble.

Songs 42:4

I spill my guts, Cuz I no foget how was befo time. Dat time, I wen go In front plenny peopo Fo bring dem by da Temple fo God, Wit erybody amping out Cuz dey stay real good inside. Had choke plenny peopo stay tell God “Mahalo plenny!” An all dem go togedda fo pray to him!

Songs 51:12

Let me stay good inside one mo time Cuz you get me outa trouble. Give me da kine spirit inside me Dat make me like do Wat you tell me fo do, Den I goin stan strong,

Songs 51:15

Eh Boss! Let me tell good tings bout you An tell peopo how awesome you stay!

Songs 6:3

I all bus up inside, Cuz I sked plenny. Eh! You Da One In Charge! How long goin be lidis?!

Songs 75:9

But me, dat make dis song, I goin tell bout God foeva. I goin sing to da God My ancesta guy Jacob wen pray to.

Songs 79:13

Us guys, yoa peopo. You take kea us guys Jalike we yoa sheeps. We goin tell good tings Bout you all da time, To oua kids, an oua grankids foeva. We goin tell da story Bout how you da greates!

Outa Egypt 3:7

Da One In Charge tell Moses dis too: “I see eryting, all da hard time dat da Egypt peopo give my peopo! I hea how dey stay yell fo me fo help um from da luna guys. Yeah, I know how plenny dey suffa.

Outa Egypt 3:9

“Now, cuz da Israel peopo stay yell to me fo help um, I stay lissen. An I see da way da Egypt peopo stay make dem bus ass an make any kine to dem.

Isaiah 12:3

Bumbye, all you guys goin feel good inside, Cuz Da One In Charge get you guys outa trouble, Jalike you guys stay good inside Wen you like drink watta, An you get um outa one puka.

Isaiah 37:22

dis wat I tell agains Sennakerib: “ ‘My peopo inside Jerusalem town Dey jalike one young wahine Dat tink you no good, an dey laugh at you. Jalike one wahine dat shake her head an look Wen you stay run away!

Isaiah 62:11

Da One In Charge tell da peopo all ova da world fo lissen: “Tell my Jerusalem peopo from Mount Zion, ‘Look! Da One goin get you guys outa trouble, He stay come! Look! He stay bring wit him Da ones he wen get outa trouble!’ ”

Micah 4:13

Da One In Charge tell: “You guys my Jerusalem peopo, Get up an go drag da heavy board wit plenny spike Fo clean da junks from my peopo, Jalike dey wheat fo clean! Cuz I goin make you guys strong Jalike one bull dat get iron horns an bronze feets. You goin bus up plenny peopos! You goin give all dea rich kine stuffs to Da One In Charge, Jalike da stuffs az one sacrifice fo him. Da stuff dey get wen dey bus up odda peopos, Goin be fo Da One In Charge, Da Boss fo all da peopos inside da world!”

Habakkuk 3:18

Still yet I goin stay good inside Cuz a Da One In Charge. I goin dance an sing Cuz God, he da One Get me outa trouble!

Luke 1:47

I feel real good inside Cuz God take good kea a me.

1 Samuel 2:1

Den Hannah pray lidis: “Da One In Charge make me feel real good inside. Cuz a all da stuff he wen do, az why I stay feel lidat now! An now I real strong so I no need worry notting. An I no shame fo face da peopo dat stay agains me an talk big agains dem. Cuz you da One dat get me outa trouble, I stay good inside!