Songs 9:13 - Hawaii Pidgin Bible

¹³ Eh! You Da One In Charge! Give me chance! Look how da guys dat stay agains me make me suffa! Bring me back up from da Mahke Peopo Place!

Songs 9:13 ပူးပေါင်းရင်းမြစ်များ

Start 4:10

Da One In Charge tell, “Wat you wen do?! You wen murda yoa braddah, an now, his blood stay ova dea on top da groun, jalike he stay call out to me fo pay you back.

Start 4:9

Afta dat, Da One In Charge aks Cain, “Wea yoa braddah Abel? Wea he stay?” Cain tell um, “I donno. You tink I da guy suppose to take kea my braddah an watch wea he go, o wat?”

1 Kings 21:19

Tell dis to Ahab: ‘Dis, wat Da One In Charge tell: Fo shua, you wen kill one guy, an den you take ova his farm!’ “Den tell um dis too: ‘Dis, wat Da One In Charge tell: Da same place wea da dogs wen suck up Nabot blood, dey goin suck up yoa blood too!’ ”

2 Kings 9:26

‘Befo time, I wen see you make Nabot an his boys bleed an mahke. An fo shua I goin pay you back fo wat you wen do to Nabot, on top dis same piece land. Dat word come from me, Da One In Charge.’ So now, go pick up Joram mahke body an throw um down on top dat land, jalike Da One In Charge wen tell goin happen.”

2 Records 24:22

King Joash foget awready dat Zekariah faddah Jehoiada wen stay tight wit Joash befo time, but King Joash kill Jehoiada boy Zekariah. Wen Zekariah stay die, he tell, “I like Da One In Charge see dis an make you pay fo um.”

Nehemiah 9:32

“So now, we like tell dis to you Cuz you da God dat stay big an strong An we stay sked a you: You stay do wat you promise fo do, An you erytime stay tight wit yoa peopo. An us guys know dat da way you see um, All da bad kine stuff we do, az not manini, But real serious fo oua king guys an alii guys, Oua pries guys an da guys dat talk fo God, Oua ancesta guys, an all yoa peopo. We all stay tired cuz we suffa all dis, From da time wen da Assyria king guys come agains us till today.

Songs 10:12

Eh! You Da One In Charge! Go fo broke! Eh God! Bus um up dem bad guys! No foget da peopo dat stay suffa!

Songs 107:18

Hard fo dem eat even litto bit, Az why dey come Jalike dey litto mo mahke.

Songs 119:132

Eh! Tink bout me, an make good to me! Cuz dass how you do erytime Fo da peopo dat know wat kine god you. An dass why dey get Love an aloha fo you.

Songs 119:153

Try look at all da stuff Dat make me come sore inside, An get me outa trouble. Cuz I no foget da Rules you teach.

Songs 12:6

An you know, wen Da One In Charge make one promise, Eryting he tell, stay right on, Jalike da kine silva dey melt seven time Fo take out all da junks.

Songs 13:3

Eh! You Da One In Charge! You my God! Try look wass happening, an do someting fo me! Make me come strong one mo time, Cuz no good I jus mahke!

Songs 142:6

Try lissen wen I yell fo you help me, Cuz I stay all jam up! Get me outa trouble from da peopo Dat chase afta me, Cuz dey mo strong den me.

Songs 25:19

Try look da guys dat stay agains me, Cuz get plenny a dem, An dey hate me real bad, Dey like bus me up jalike dey like kill me.

Songs 30:3

Eh! You Da One In Charge! Wen I litto mo mahke, You wen bring me back alive. You wen make me live, Fo me no go down inside da grave Wea da mahke peopo go.

Songs 38:19

Get plenny peopo dat stay agains me. Dey hate me, No matta I neva do notting Agains dem.

Songs 51:1

Eh God! Give me chance, Da way erytime you stay tight Wit yoa peopo. Cuz you stay get plenny pity fo dem, Az why you gotta hemo da shame I get Cuz I wen go agains you.

Songs 56:13

Cuz you wen help me fo me no mahke, So I no trip an fall down. Cuz a dat, God, ery place I go, You stay right dea, Jalike you da light Fo make me stay alive.

Songs 86:13

Cuz you stay real tight wit me. You even make um Fo me no gotta go da mos deep part A da Mahke Peopo Place!

Isaiah 38:10

Me, dis how I wen figga: “Dis da bestes time a my life, An now I gotta go inside da gate Fo da Mahke Peopo Place, o wat?! Az fo real, o wat, dat God set me up Fo take away da life I get fo live ova hea?!”

Sad Song 1:11

All dea peopo moan wen dey stay look fo food. Dey trade dea rich kine stuffs fo food fo dem stay alive. Dey tell, “Look, Da One In Charge! Tink bout wass happening, cuz dey tink I no good!”

Sad Song 1:9

Dey get da blame fo da bad kine stuff dey do. Az jalike if one wahine get blood on her skirts from her time ery month, Cuz she no tink bout wat goin happen bumbye. Da Jerusalem peopo, dey no tink bout wat goin happen to dem Cuz a da bad kine stuff dey stay do! Da wahine fall down, an dey drop dea jaws. No mo nobody can make her feel mo betta. She tell, “Eh! You Da One In Charge! Try look da hard time us guys get! Cuz da peopo dat stay agains us win awready!”

John 2:6

Da Jew guys get Rules fo wash dea hands befo dey eat. Az why dey get six mangus stone watta jugs ova dea by da wall. Ery jug can hold twenny o thirty gallon watta.