Songs 86:2 - Hawaii Pidgin Bible

² Make shua nobody kill me, Cuz I stay tight wit you. Get me outa trouble Cuz I yoa worka guy An you da God fo me, An I stay trus you.

Songs 86:2 ပူးပေါင်းရင်းမြစ်များ

Songs 119:94

Me, I yoa guy. So den, get me outa trouble! Cuz I like know real good Da tings you tell me I gotta do.

Songs 13:5

But me, I stay trus you, you know. You goin stay tight wit me cuz I yoa guy. Bumbye you goin get me outa trouble, An I goin dance an sing.

Songs 143:12

You stay tight wit me cuz I yoa guy, So make da ones dat stay agains me Shut up. Wipe out all da ones Dat make humbug to me, Cuz I yoa worka guy.

Songs 16:1

Eh God, no let notting bad happen to me! I trus you fo proteck me.

Songs 18:19

He take me to one open place wea no mo presha. Da One In Charge stay good inside wen he tink bout me, Az why he get me outa trouble.

Songs 25:2

You da God fo me! I stay trus you. So, no let me come shame. Da peopo dat stay agains me, No let um win ova me An feel good cuz a dat!

Songs 31:1

Eh! You Da One In Charge! You da One fo proteck me. No let nobody make me come shame long time! Get me outa trouble Fo notting bad happen to me, Cuz you erytime do wat stay pono.

Songs 31:14

But eh, you Da One In Charge! I stay trus you. I tell, “You, you da God fo me!”

Songs 37:28

Cuz Da One In Charge, He like fo peopo do wass right, An he no foget da peopo Dat stay tight wit him. Dose peopo, God goin take kea dem Foeva! But da peopo dat do da bad kine stuff, Even dea kids goin get cut off From God foeva!

Songs 4:3

You guys gotta know dis: Da One In Charge, he make spesho kine To da guys dat stay tight wit him. He make um come his guys fo real kine. Wen I yell fo Da One In Charge help me, he lissen!

Songs 50:5

Tell all da ones dat stay tight wit me Fo come togedda by me, Da ones dat wen make one sacrifice Fo make one spesho deal wit me!”

John 12:26

Whoeva like be my helpa gotta go wit me an be my guy. Wea I stay, my helpa guy goin stay dea too. An my Faddah goin show respeck to dat helpa guy.”

John 17:11

I no goin stay hea inside da world no moa, cuz I stay go by you. But dese guys, dey stay inside da world. Faddah, you stay good an spesho. Take kea dem wit yoa powa, cuz dey yoa guys, an dey get yoa name, jalike me. So den, dey goin stay tight wit each odda, jalike me an you stay tight wit each odda.

Rome 9:18

So den, if God like give one guy chance, dass wat he goin do. An if he like make one guy hard head, az wat he goin do too.

1 Samuel 2:9

He goin take kea his spesho peopo, wea eva dey go! But da bad kine peopo, dey goin mahke An stay one dark place. “An if one guy come strong, Da powa dat he get, you know, Neva come from inside him. Come from Da One In Charge!