Songs 85:6 - Hawaii Pidgin Bible

⁶ You goin make yoa peopo Come alive one mo time, Fo us guys stay good inside Cuz a you, o not?

Songs 85:6 ပူးပေါင်းရင်းမြစ်များ

Songs 138:7

No matta get trouble ery place I go, An da peopo dat stay agains me Stay huhu, You goin make shua I no mahke. You goin show yoa powa An bus dem guys up! You get da powa Fo get me outa trouble.

Songs 149:2

Eh you Israel peopo! Show how good You feel inside, Cuz Da One In Charge Wen make you guys! You peopo dat come togedda fo pray On top Mount Zion, Go dance an sing, Cuz you get Da One In Charge Fo yoa king!

Songs 53:6

Fo shua! I like God do someting— Da God dat stay Mount Zion side— Fo get da Israel peopo Outa trouble real quick! Cuz bumbye, Wen God make eryting come good One mo time fo his peopo, Erybody dat come from Jacob Goin yell cuz dey feel good, Dey da Israel ohana, An dey all goin come good inside!

Songs 71:20

No matta you wen make me go Thru plenny bad kine trouble, You goin make me come back alive. You goin bring me back up No matta I stay almos inside da grave.

Songs 74:1

Eh God! How come You wen dump us guys?! Goin be lidat all da time, o wat?! You stay real huhu wit us guys, Jalike smoke come outa yoa nose! An us, jalike da sheeps Dat live on top yoa land An you jalike da sheep guy Dat take kea us!

Songs 77:8

Maybe God no like Stay tight wit his peopo no moa! Maybe da ting he wen promise fo do, He no goin do um now, o layta!

Songs 80:18

Den us guys no goin bag from you. Make us guys come alive one mo time, Fo us yell fo you help us Cuz we know wat kine god you.

Songs 90:14

Ery day wen da sun come up, Let us guys know fo shua Dat you stay tight wit us! Den, all da time we goin live, We goin yell cuz we feel good inside.

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Jeremiah 3:5

You goin stay huhu all da time, o wat?! You goin stay huhu till eryting pau?!’ Az right, how you guys stay talk all da time! But still yet, you guys stay do All da bad kine stuff you like do.”

Jeremiah 33:11

bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.

Hosea 6:2

Two days, an he goin make us come strong one mo time. Day numba three he goin bring us back, So den we goin stay alive in front him!

Habakkuk 3:2

Da One In Charge, I hear wat peopo tell bout you. I get awesome respeck fo you, Fo all da awesome stuff you wen do awready. Try do um one mo time! Dese years right now, Make peopo know wat you wen do. No matta you stay huhu wit us, No foget show us guys pity!