Songs 85:5 - Hawaii Pidgin Bible

⁵ Goin be foeva dat you goin stay Huhu wit us guys, o wat? You goin go afta all da peopo Dat goin come from us guys bumbye Jus cuz you had it Wit da kine stuff us guys stay do, o not?

Songs 85:5 ပူးပေါင်းရင်းမြစ်များ

Songs 60:3

You wen make yoa peopo suffa, Jalike you make um Drink da kine wine Dat make um piloot So dey no can stan up strait.

Songs 74:1

Eh God! How come You wen dump us guys?! Goin be lidat all da time, o wat?! You stay real huhu wit us guys, Jalike smoke come outa yoa nose! An us, jalike da sheeps Dat live on top yoa land An you jalike da sheep guy Dat take kea us!

Songs 77:9

Maybe God foget how fo give chance! Maybe he stay huhu, An no show pity no moa!” (Time out fo da music.)

Songs 79:5

Eh! You Da One In Charge! Wen all dis goin come pau?! You goin stay mad all da time, o wat? You goin stay jealous, An burn up inside, o wat?

Songs 80:4

Da One In Charge, You da God Ova All Da Armies! How long you goin stay huhu An no lissen wen yoa peopo Pray to you?!

Songs 89:46

Eh! You Da One In Charge! How long you goin hide?! Foeva, o wat?! How long you goin stay huhu, Jalike one fire burning?

Micah 7:18

Den Micah tell: “No mo anodda god jalike you! You let go da peopo dat still stay alive, No matta dey wen do bad kine stuff. You hemo all da shame dey get cuz dey wen go agains you, An you no stay huhu long time. You take da peopo dat stay come back by you, Cuz you stay good inside wen you stay tight wit dem.

Micah 7:7

“But me, I watch fo Da One In Charge. I wait fo God cuz he goin get me outa all dis trouble. My God goin lissen me.

Luke 21:24

Peopo goin kill some wit swords, an take oddas away. Peopo all ova da world goin make um prisonas. Da peopos dass not Jew guys goin bus up Jerusalem an walk all ova um, till dea time pau.

Rules Secon Time 29:27

Az why Da One In Charge stay real huhu wit dis land an da peopo inside. So he bring on top dem all da bad kine stuff he wen tell dem he goin bring. Az cuz dey get kahuna on top um, jalike stay write inside dis book.