Songs 85:3 - Hawaii Pidgin Bible

³ Now you no stay huhu Wit us guys no moa. You pau go afta us Jalike you still mad.

Songs 85:3 ပူးပေါင်းရင်းမြစ်များ

2 Records 6:39

If dey do dat, den I like you lissen from da sky wea you stay an hear wat dey pray, an how dey aks you fo make good to dem. I like you make shua da right ting goin happen fo dem. An let go yoa peopo an hemo dea shame, cuz dey wen do bad kine stuff agains you.

Songs 106:23

So God tell, “I goin wipe out All da peopo!” But Moses, da guy God wen pick, He go stan in da middo Wit God on one side An da peopo on da odda side. He try fo make God no kill da peopo, No matta God wen had it Wit da kine stuff da peopo stay do.

Songs 78:38

But God, he get pity fo dem, Az why he wen let da peopo go Fo da wrong tings dey wen do, An why he neva wipe dem out. Ova an ova, God wen hold back Da way he feel bout dose peopo, An he neva bus um up, No matta he stay huhu wit dem.

Outa Egypt 32:22

Aaron tell, “Moses, you da boss. No get mad bout dis. You know dis peopo, dey like do bad kine stuff.

Isaiah 12:1

Dat time, you goin tell, “I goin sing fo tell Da One In Charge he da greates! I goin tell erybody dat you good, Da One In Charge. No matta you was huhu wit me, Now you no stay huhu wit me no moa, An you take away da sore from inside me.

Isaiah 40:1

Dis wat yoa God tell you guys: “Make my peopo come so notting bodda dem! Help um feel good inside!

Isaiah 40:2

You guys, talk to da Jerusalem peopo An tell all dem Fo dem feel good inside. Tell dem dat da hard work dey wen do Cuz dey owe me plenny, all pau awready. Da bad tings dey wen do, Dey awready get punish fo all dat. Me, Da One In Charge, I wen awready pay dem back double Fo all da bad kine stuff dey wen do.”

Isaiah 6:7

He touch da hot charcoal on top my mout an tell, “Now dis charcoal touch yoa mout, All da bad tings you wen do stay gone awready. God wen pay da price Fo hemo from you all dat bad kine stuff.”

Jeremiah 50:20

Da One In Charge tell: “Dat time, Peopo goin try fo find stuff dat da Israel peopo get da blame fo, An dey no goin find notting. Dey goin look fo bad kine tings da Judah peopo do, An dey no goin find notting. Cuz I goin let go da peopo dat I let stay alive, An hemo dea shame.”

Ezekiel 16:63

So den, I goin make right wat you wen do wrong fo make you pono wit me cuz a all da bad kine stuff you wen do. Den you no goin foget wat you wen do an come shame, an no open yoa mout no mo fo talk. Az wat me Da One In Charge, da Boss, tell.’ ”

Jonah 3:9

Nobody know if God goin change his mind bumbye. He tell ‘Laytas’ to da kine tings us guys stay do, but maybe he goin show pity an change his mind so us guys no come wipe out!”

Micah 7:19

You goin take us back one mo time, Cuz you get love an pity fo us. You goin hemo all da bad kine stuff we wen do, Jalike you goin throw all da bad kine stuff us guys wen do Down inside da mos deep ocean.

John 1:29

Da nex day John spock Jesus stay coming by him, an he tell, “Eh, you guys, try look da guy ova dea! You know wat? He jalike God bebe sheep fo da sacrifice. He hemo da shame fo da bad kine stuff dat erybody inside da whole world stay do!

Rules Secon Time 13:17

You guys betta not carry away notting from dat town dat you was suppose to wipe out fo God. So den, God, Da One In Charge, no goin stay huhu no moa. He goin show pity fo you guys, an give you chance, an he goin make you guys come mo plenny peopo, jalike he wen make one strong promise to yoa ancestas fo do.

Rules Secon Time 32:43

All you peopos, yell plenny Cuz you stay good inside Wen you tink bout da peopo a Da One In Charge! Cuz he goin pay back da ones dat wen kill his worka guys. He goin pay back da peopo dat stay agains him. He goin make his peopo an land Come pono wit him one mo time.