Songs 83:4 - Hawaii Pidgin Bible

⁴ Dey tell, “Go come! We go wipe out Da whole Israel nation! Fo nobody rememba Da Israel name no moa!”

Songs 83:4 ပူးပေါင်းရင်းမြစ်များ

Nehemiah 4:2

In front his frenz an in front da Samaria army guys, Sanballat tell, “Wat dese Jew guys stay doing?! Dey tink dey can build dat wall one mo time, o wat?! Dey tink dey can make sacrifice ova dea?! Dey tink dey can pau do da work in one day?! Dey tink dey can find da big cut stones inside da dirt piles an make um fo dem come good one mo time?! Cuz dey stay all burn up. No way dey can!”

Songs 74:8

Dey wen tink, “Eh! Us go bus up da Israel peopo!” So den, dey wen burn up All da odda places too, Wea peopo come togedda fo pray to God All ova da land.

Outa Egypt 1:10

So! Us guys gotta be smart fo figga how fo make shua dey no come mo plenny. Cuz bumbye if get war, no good if dey go help da guys dat fight us, an afta dat, dey go outa oua land.”

Smart Guys 1:12

No matta dey alive, we take um, brah, Jalike da Mahke Peopo Place take da mahke peopo. No matta dey feel good, we take um out, Jalike dey fall down inside one big hole.

Jeremiah 11:19

Befo Da One In Charge tell me dat, I stay jalike one bebe sheep dat trus da peopo dat lead um out fo kill um, cuz I neva know dey make one plan agains me! Dey tell, “Eh, we goin kill dis Jeremiah buggah an wat he tell, jalike we goin wipe out one tree an eryting dat grow on top um! We goin wipe him out from da land wea peopo live. Den erybody goin foget him an his name!”

Jeremiah 31:36

Da One In Charge tell: “Jalike I goin make shua Dat da tings I tell da sun an moon an stars No goin disappea from in front me. Same ting, I goin make shua Dat da Israel ohana blood line Goin stay one nation in front me foeva.”

Jeremiah 48:2

No mo nobody goin talk good no mo bout da Moab peopo. Inside Heshbon town get guys dat make plan fo wipe dem out. Dey tell: ‘Go come, fo us go wipe out da whole Moab nation!’ All you Moab guys dat live in Madmenah town goin mahke. You no can run away from da war dat goin come!

Ezekiel 38:10

“Dis da message from Da One In Charge, da Boss: Dat time you, Gog, goin start fo figga an make plan fo do real bad kine stuff.

Daniel 7:25

He goin grumble bout da God Dass Mo Importan Den All Da Odda Gods, An put presha on da peopo dat stay spesho fo God. An he goin try fo change Da regula times fo make sacrifice An change da rules from God. He goin get powa Ova da peopo dat stay spesho fo God Fo three an a half year.

Jesus Guys 4:17

We gotta tell dese guys, ‘You guys betta not talk bout dis guy Jesus to nobody no moa! No tell he give you da right fo use his name fo do stuff!’ No good all da odda peopo all ova da place hear bout dis ting!”

Joshua 9:2

So dey all come togedda an tell one ting: “Gotta go make war agains Joshua an da Israel peopo.”