Songs 83:3 - Hawaii Pidgin Bible

³ Dey stay make one sly kine plan Fo wipe out yoa peopo. Dey come togedda fo talk Bout how dey goin go afta Da peopo you love.

Songs 83:3 ပူးပေါင်းရင်းမြစ်များ

Songs 10:9

Jalike one lion hide inside da bushes, Dey wait Fo grab da peopo dat stay pooa ting, Jalike dey catch um wit dea net.

Songs 2:1

How come da diffren nations Make secret kine plan?! An how come da diffren peopos Tink plenny—but ony wase time?!

Songs 27:5

Da One In Charge, weneva get hard time, He goin put me inside his place fo nobody hurt me. He goin let me stay inside his tent Fo nobody find me. He goin put me up high on top one big rock Fo nobody reach me.

Songs 31:20

You hide dem right dea wea you stay Fo make shua da peopo Dat make plan fo hurt dem, no can. You put dem inside one place Wea da oddas no can find um, Fo da peopo dat talk bad bout dem No can do notting.

Songs 56:6

Dey meet fo make plan agains me. Dey hide fo make trouble, Cuz dey wait fo one chance fo kill me.

Songs 64:2

Hide me, so dey no can find me, Da ones dat stay make secret plan Fo do someting bad to me, Da ones dat stay all amp up Fo hurt me.

Songs 91:1

Da God Dass Mo Importan Den All Da Odda Gods, He stay hide you Inside his secret place. Cuz he Da God Dat Get All Da Powa, He let you stay wit him Fo no mo notting hurt you.

Outa Egypt 1:10

So! Us guys gotta be smart fo figga how fo make shua dey no come mo plenny. Cuz bumbye if get war, no good if dey go help da guys dat fight us, an afta dat, dey go outa oua land.”

Colosse 3:3

Now God take kea you guys, cuz jalike you guys wen mahke wit Christ, but now you guys stay tight wit him an you get da real kine life.

1 Samuel 13:19

Dat time, all ova da Israel land neva have blacksmith fo shape iron. Cuz da Filisha guys figga, “No good da Hebrew guys go make sword o spear!”