Songs 82:8 - Hawaii Pidgin Bible

⁸ Kay den, God! Go fo broke! Go be da judge Fo all da peopo inside da world! All da diffren peopos, dey yoas!

Songs 82:8 ပူးပေါင်းရင်းမြစ်များ

Songs 102:13

You goin do someting Fo show you get pity an aloha Fo da Jerusalem peopo— Cuz right now, az da time You goin do good tings fo dem.

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Songs 2:8

You ony gotta aks, An I goin give you All da diffren peopos Fo be yoa property. Da whole world, dass goin be Yoa land.

Songs 22:28

Cuz you Da One In Charge! You da king! You da One dat get da right Fo be in charge a all da nations!

Songs 44:26

Do someting fo help us guys! Cuz you da one Dat stay tight wit yoa peopo An do good tings fo dem erytime!

Songs 7:6

Eh! You Da One In Charge! Do someting! Get mad an stan up fo fight! Da guys dat stay agains me, Dey all huhu, so go afta dem! Do someting fo help me, You da judge dat tell wass right!

Songs 76:10

Wen peopo come real huhu, Dat show proof dat you da bestes. An if dey stay had it wit you still yet, Dat make you look good.

Songs 94:2

You da one stay da judge Fo da peopo all ova da world, So pay back da peopo dat tink Dey mo betta den all da odda peopo, Fo wat dey wen do.

Songs 96:13

In front Da One In Charge, Cuz he stay come hea! He stay come fo be Da Judge fo da whole world. He goin judge erybody in da world Da right way. He goin show da peopos Wass da trut fo real kine Fo dem trus him.

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Micah 7:7

“But me, I watch fo Da One In Charge. I wait fo God cuz he goin get me outa all dis trouble. My God goin lissen me.

Zefaniah 3:8

Da One In Charge tell: “Az why wait fo me, Fo da day I goin stan up fo poin finga da Jerusalem peopo. Cuz I make up my mind awready Fo bring togedda all da peopos an dea kings. An I goin make dem know dat I stay real huhu wit dem. I goin burn up all da peopo inside da world, Cuz I go all out fo no let um go down in front odda gods!

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”