Songs 81:5 - Hawaii Pidgin Bible

⁵ Da time God wen go Agains da Egypt peopo, He wen tell da ones Dat come from Joseph Wat dey suppose to do. I wen hear one voice Dat I neva know who dat. Da voice tell:

Songs 81:5 ပူးပေါင်းရင်းမြစ်များ

Songs 114:1

Da Israel peopo, dey da ones From Jacob ohana— Wen dey come outa Egypt, An bag from da Egypt peopo Dat talk diffren kine language,

Songs 77:15

You wen use yoa powa Fo get yoa peopo outa trouble, Da peopo dat get Jacob An Joseph fo dea ancesta guys. (Time out fo da music.)

Songs 78:6

He do all dis, fo da peopo know Dat goin come bumbye, Even da ones dat not born yet, Da ones dat come bumbye, Dey goin stay ready Fo tell dea kids da stories too.

Outa Egypt 11:4

Moses tell da Pharaoh guy: “You betta lissen! Dis wat Da One In Charge tell: ‘One nite, bout midnite time, I goin go ova dea wea da Egypt peopo live.

Outa Egypt 12:12

“Dis wat I mean: Dat nite, I goin pass ova da Egypt land, from one side to da odda side. Ery numba one boy dat live inside da land, I goin kill um. Da peopo an da animals, same ting. Dass how I goin show proof to da Egypt peopo dat all da gods dey pray to, dey notting, cuz me Da One In Charge!

Outa Egypt 12:27

You guys goin tell um, ‘Dis da Passova Sacrifice. We stay make um fo show we stay tight wit Da One In Charge. He da one wen pass ova all da houses wea oua Israel peopo live befo time, Egypt side. Da One In Charge wen wack da Egypt peopo an kill um, but he neva touch us guys, ova dea inside oua houses.’ ” Wen da peopo hea wat Moses tell um, dey go down on top da groun fo show love an respeck fo Da One In Charge.

Outa Egypt 12:29

Da middo a da nite, Da One In Charge start fo kill all da numba one boys all ova da Egypt land. Da Pharaoh guy dat sit down on top da throne, his numba one boy mahke too. Da guy dat da army guys wen catch, dat stay inside one big hole in da groun inside da prison, da numba one boy mahke, same ting. Da animals, same ting, da numba one boy kine animals all mahke.

Isaiah 28:11

Cuz dey no like lissen, God goin sen odda peopo fo talk to dem, Army guys from anodda place Wit da kine language dey no undastan! Still yet, God goin talk to his peopo,

Jeremiah 5:15

Da One In Charge tell, “Eh, you Israel ohana peopo! I goin make one peopo from far away Come attack you guys. Dey was dea from long time. You guys donno dea language. An you guys no undastan wat dey talking.

Ezekiel 20:20

Make da days dat stay spesho fo me, come real spesho fo you, fo dem be jalike one sign fo tell dat me an you stay tight wit each odda. Den you goin know dat me Da One In Charge, I yoa God.

Amos 6:6

You guys drink da wine, Da whole calabash one time! You guys use da real expensive kine perfume oil. But no bodda you dat yoa Israel country an da Joseph ohana, litto mo wipe out. An still yet, you guys make jalike you no kea, an all dat you do no make you guys come sick!

Rules Secon Time 28:49

“Da One In Charge goin bring one peopo agains you guys from one far place, from da mos far part a da earth. Dey goin come real quick, jalike one eagle dat dive down real fas fo grab one small animal. You no goin undastan dea language.

Rules Secon Time 4:45

Dis all da stuff dat God tell, an da tings da peopo gotta do, an da rules dat Moses give da Israel peopo wen dey come outa Egypt.