Songs 81:3 - Hawaii Pidgin Bible

³ Wen da month start, da new moon time, Blow da sheep horn trumpets! Same ting Fo oua spesho religious kine ceremony Wen da moon come full!

Songs 81:3 ပူးပေါင်းရင်းမြစ်များ

2 Kings 4:23

Her husban aks, “How come you like go by him today? Dis not da sacrifice time fo da New Moon o da Res Day.” She tell, “Az okay.”

1 Records 15:16

Same time, David tell da leada guys fo da Levi ohana fo pick some a dea braddahs fo come singa guys, fo sing da kine songs dat show dat da peopo stay real good inside. Dey goin use da kine tings dat make music: da twelve-string bass harp, da small harp, an da loud high cymbals.

1 Records 15:19

Da main music guys, Heman, Asaf, an Ethan, dey suppose to play da bronze cymbals.

1 Records 15:24

Shebaniah, Joshafat, Netanel, Amasai, Zekariah, Benaiah, an Eliezer da pries guys, dey suppose to blow da long metal trumpets in front da Box Fo God. Obed-Edom an Jehiah, dey security guard guys fo da Box too.

1 Records 16:42

Heman an Jedutun get da kuleana fo play da long metal trumpets an da cymbals, an fo play da odda music kine tings fo da songs fo God. Jedutun boys, dey da security guard guys Gibeon side.

1 Records 16:6

an Benaiah an Jahaziel da pries guys blow da long metal trumpets weneva dey suppose to, in front da Box Fo No Foget Da Deal Wit God.

1 Records 25:1

David an da main leadas fo da work fo all da Levi guys, pick some a Asaf boys, Heman boys, an Jedutun boys. Dea kuleana, fo give da messages from God an use da bass harp, da small harp, an da cymbals fo do dat. Dis da names fo da guys an wat dey do:

2 Records 13:12

So den, God stay wit us guys. He oua leada. His pries guys wit dea metal trumpets goin make da signal fo start fo fight you guys. Eh, you Israel guys, no go fight Da One In Charge, da God fo yoa ancesta guys, cuz no way you guys goin win!”

2 Records 13:14

Da Judah guys turn aroun an see dat da Israel guys stay attack dem from da front an da back. Dey yell to Da One In Charge fo help dem, an da pries guys stay blow dea trumpets,

2 Records 2:4

Now I goin start fo build one temple so erybody goin know wat kine god my God, Da One In Charge. I goin make da temple spesho fo him. Da pries guys goin burn incense dat smell nice in front him. Dey goin put out da spesho bread in rows ery day. Dey goin make one burn up kine sacrifice ery morning an ery aftanoon. Dey goin do dis ery week fo da Res Day, an ery new moon time, an fo da spesho religious ceremonies fo oua God, Da One In Charge. Dis goin be da kuleana fo da Israel peopo foeva.

2 Records 5:12

All da Levi guys dat play da music: Asaf, Heman, Jedutun, an dea boys an ohana, dey stan by da east side a da altar. Dey all wear fancy kine linen clotheses, an dey play da cymbals, da twelve-string harps, an da small kine harps. An get 120 pries guys stay blow trumpet wit um.

2 Records 8:13

Solomon make shua da pries guys make da burn up kine sacrifices dey suppose to make ery day, an fo da Res Days, da new moon days, an da three spesho religious ceremonies ery year, jalike Moses wen tell um fo do. (Az da spesho religious kine ceremony fo da Bread Dat No Mo Yeast, da spesho religious kine ceremony fo Harves Da Food, an da spesho religious kine ceremony fo Live Inside Shacks.)

Songs 149:3

Tell good tings bout Da One In Charge Cuz you know wat kine god him! Dance fo tell good tings bout him, An play tammorine an small harp, An sing fo him!

Songs 33:2

Play da small kine harp fo tell Dat Da One In Charge, he da greates. Play da ten-string harp fo sing fo him.

Songs 98:6

Blow da metal trumpets, An make noise Wit da sheep horn trumpets, In front oua king, Da One In Charge!

Sad Song 2:6

He wase his Temple, Jalike was one shack inside one grape field. He wipe out da spesho place wea da peopo meet him. Da One In Charge make his Zion peopo foget Da spesho religious ceremonies an da Res Days. He tell “Laytas” to wat da king o da pries guys do, Cuz he stay real huhu.

Nahum 1:15

Look ova dea on top da mountains! One guy stay come, Dat bring good kine stuff fo tell. He tell dat da peopo can res an no fight! You Judah peopo, make yoa spesho religious ceremonies now. Do wat you wen make one strong promise fo do. Da no good kine guys no goin attack you guys no moa! Dey goin come all wipe out!

Census 15:3

Den you guys goin give me, Da One In Charge, sacrifices you guys make wit fire, from cows o sheeps o goats. Az fo one nice smell dat make me stay good inside—da sacrifices you burn up, o wen you guys make one spesho strong promise, o give one sacrifice jus cuz you like give um, o make one sacrifice fo one spesho religious kine ceremony.

Census 28:11

“Da firs day ery month you guys goin give me, Da One In Charge, one burn up kine sacrifice wit two young bull, one boy kine sheep, an seven boy kine bebe sheep one year ol, an all dis gotta be no mo notting wrong wit um.

Rules Secon Time 16:15

Make da spesho religious kine ceremony fo seven day, by da place yoa God, Da One In Charge, goin pick. Cuz he goin do plenny good kine stuff fo you guys, fo da stuff you guys grow, an da stuff you make wit yoa hands. Fo shua, you guys goin stay real good inside cuz a dat.

Colosse 2:16

Az why no let nobody poin finga you guys fo wat you guys eat an drink, an fo how you guys make spesho religious kine days: dass da holidays, da traditions, an da Res Days.