Songs 81:14 - Hawaii Pidgin Bible

¹⁴ If dey lissen, Real fas, I can make um So da ones dat stay agains dem No mo powa no moa. But my peopo no lissen. Dass why I no bus up Da peopo dat like fight dem.

Songs 81:14 ပူးပေါင်းရင်းမြစ်များ

Songs 47:3

God make us Israel guys win Ova da odda nations, Fo make da odda peopos oua prisonas.

Isaiah 48:18

I wen like fo you guys lissen Wat I tell you guys fo do befo time, But you no like lissen! I wen like fo eryting go okay fo you guys, Jalike one riva dat no make noise An stay full all da time, But you not okay! I wen like fo you guys get um right wit me, Jalike da wave dat come in from da ocean all da time, But you no get um right!

Amos 1:8

I goin wipe out da leada fo Ashdod town An da guy in charge a Ashkelon town. I goin go agains da peopo dat live Ekron town. Da odda Filisha guys, dey goin come wipe out too!” Dass wat Da One In Charge tell.

Zekariah 13:7

Dis wat Da One In Charge, da God Ova All Da Armies, tell: “Grab my sword! Go stab my sheep guy, Da guy dat work wit me! Wack da sheep guy, an da sheeps goin scatta. I even goin go agains da young sheeps.”

Census 14:45

Den da Amalek guys an da Canaan guys dat live inside da hills go down attack da Israel guys, an bus um up all da way to Hormah.

Census 14:9

But eh! No go agains Da One In Charge! An no sked da peopo inside da land, you guys! Cuz us guys goin win ova dem. Da One In Charge take away da shadow dat proteck dem awready, but he stay wit us guys. No sked dem!”

Rules Secon Time 10:12

Den Moses tell: “So now, you Israel peopo, wat you guys tink yoa God, Da One In Charge, tell you guys you gotta do? Ony dis, he like: Fo you guys stay sked a him an show respeck fo him, Fo live da way he tell you guys fo live, Fo get love an aloha fo him, Fo go all out fo work fo him, an

Joshua 23:13

den fo shua yoa God, Da One In Charge, no goin take away dea property from dose nations, in front you guys. Dey goin come one trap fo you guys. Dey goin whip yoa sides, an poke thorns inside yoa eyes, till you guys come wipe out inside dis good land dat yoa God, Da One In Charge, wen give you guys.