Songs 81:12 - Hawaii Pidgin Bible

¹² Me, I let dem do wat dey goin do Cuz dey hard head An dey ony like do Wateva dey tink good fo dem.

Songs 81:12 ပူးပေါင်းရင်းမြစ်များ

Start 6:3

Den Da One In Charge tell, “I wen give da peopo my spirit inside dea bodies fo make um stay alive. Still yet, dey ony peopo. My life no goin stay inside dem foeva. So from now, dey ony goin live hundred twenny year.”

2 Kings 18:12

All dat happen cuz dey no lissen dea God, Da One In Charge. Dey broke da deal wit him, an no do eryting dat Moses, da guy dat wen work fo Da One In Charge, tell um dey gotta do. Dey no lissen wat Da One In Charge tell, an dey no do um.

Nehemiah 9:16

“But dey oua ancesta guys, Dey ack jalike dey get da right Fo make any kine to God. Dey come hard head, an no lissen Wat God tell um fo do.

Job 8:4

Gotta be, yoa kids wen do bad kine tings God tell um not fo do! Az why he punish dem fo da bad kine stuff dey wen do.

Outa Egypt 11:9

Anodda ting Da One In Charge tell Moses same time, “Da Pharaoh guy, he still no goin lissen you guys. Dass fo me make mo plenny awesome proof fo show who me still yet hea inside dis Egypt land.”

Isaiah 30:1

Dis, one message from Da One In Charge: “Bummahs! to da hard head peopo Dat stay go agains me! Dey make one plan an do um, But da plan, not from me. Dey make one deal wit peopo from anodda country, But my Spirit neva tell dem fo do dat. Dey do one bad ting, Den anodda mo worse ting.

Isaiah 30:9

Go do dat cuz dis peopo Dey hard head. Dey ony like go agains Da One In Charge. Dey jalike kids dat stay bulai erybody. Da One In Charge stay teach dem plenny, But dey no like lissen.

Isaiah 42:24

Wat god wen let da odda guys Take da Jacob ohana an rip um off?! No was anodda god! Wat god wen let peopo Go take da Israel peopo stuffs?! No was anodda god! Was Da One In Charge let um do dat! An was us Israel peopo Dat wen do bad kine stuff agains him! Oua peopo neva like do notting Da way he tell us fo do. Dey no like lissen his Rules.

Jeremiah 42:21

I wen tell you guys today da message I get from Da One In Charge, but you guys still no lissen yoa God, Da One In Charge, bout eryting he sen me fo tell you guys.

Jeremiah 7:24

“But my peopo, dey no lissen, o tink bout wat I tell. Dey hard head, an dey do wat dea bad heart like do. Dey suppose to go one way, an dey go da odda way,

Ezekiel 20:8

But dey wen go agains me an no like lissen me. Dey no throw out all dea horraz kine idol gods dat dey like look at. An dey no bag from da idol kine gods from Egypt. So I tell dat I goin show how mad I stay agains dem, an pay dem back befo dey leave da Egypt land.

Hosea 9:17

God tell “Laytas” to da Israel peopo Cuz dey no goin lissen him. Dey goin go from one nation to anodda nation, Cuz dey donno wea dey stay goin live.

Prieses 26:14

“But maybe you guys no lissen me, an no do all da tings I tell you guys fo do.

Jesus Guys 14:16

Befo time, he let all da diffren peopos inside da world do wateva dey like do.

Jesus Guys 7:42

So God make jalike he donno dem, an let dem go down an pray to da sun an da moon an da stars. Dat happen jalike da guy Amos, dat talk fo God long time befo time, write down. He tell, “ ‘You Israel peopo, Dat no was fo me you make sacrifice fo, Forty year inside da boonies! Nah!

Rome 1:24

Cuz how dey stay ack, God wen let um go an do wat dey like. He let um do all kine pilau kine stuff cuz dass how dey like do um inside. Dass why dey no shame how dey make any kine wit dea bodies wit odda peopo.

1 Samuel 8:19

But da peopo no like lissen Samuel. Dey tell, “Nah! Not! No way! Us guys swea to God, we like one king fo lead us guys!