Songs 80:8 - Hawaii Pidgin Bible

⁸ Wen you wen bring yoa peopo Outa Egypt, Az jalike you take One grape plant from ova dea. An afta you chase da diffren peopos Outa dis land, You let us guys live inside da land. Az jalike you plant dat grape plant Inside da groun ova hea.

Songs 80:8 ပူးပေါင်းရင်းမြစ်များ

Songs 31:17

Eh! You Da One In Charge! No let notting happen Fo make me come shame! You da one I stay yelling to Fo help me. Da peopo dat stay do wass not right, Dey da ones goin come shame. Dey goin go da Mahke Peopo Place An dey no can tell notting.

Songs 44:2

Was cuz a yoa powa Dat you wen throw out Da odda peopos. Dis jalike you wen plant yoa peopo Ova hea. You wen hurt da odda peopos plenny, An make yoa peopo grow plenny.

Songs 60:3

You wen make yoa peopo suffa, Jalike you make um Drink da kine wine Dat make um piloot So dey no can stan up strait.

Songs 78:55

He make da odda peopos Run away from his peopo. He make one plan an measure Da property fo da Israel ohanas Fo dem live wea da odda peopos Wen stay befo time.

Jeremiah 12:10

“Get plenny leada guys from anodda place Goin wase wat I wen plant. Dey goin walk all ova my field. Dey goin bus up my nice place! (I stay talking bout wat dey goin do to my peopo!)

Jeremiah 2:21

I wen make you guys come strong an solid, Jalike I plant you guys fo come da bestes kine grape plant, Da kine you stay shua goin make odda good plants erytime. So how come you guys wen bag from me, An come jalike one junk kine wild grape plant?

Ezekiel 15:6

“Az why me, da Boss, Da One In Charge, tell dis: Tink bout how I use da grape wood fo burn, cuz no can use dat kine wood jalike da fores kine wood. Kay den, az how I goin make to da peopo inside Jerusalem!

Ezekiel 17:6

An da seeds sprout an da grape plant come out an spread out low. Da branches face da eagle an da roots stay undaneat da eagle too. So da grape plant grow an get plenny branches an bebe shoots.

Ezekiel 19:10

“ ‘Yoa muddah jalike one grape plant inside yoa grape farm. She grow by da watta. She get plenny fruits an plenny branches Cuz get plenny watta ova dea.

Jesus Guys 7:45

Dey make da tent an carry um wit dem. Den bumbye Joshua bring dem inside dis land. God kick out da diffren peopos dat stay hea. An oua ancesta guys take away da land from dem. Dat tent stay hea long time till King David come.

Joshua 13:6

“Da Sidon peopo dat stay inside da mountains from Lebanon to Misrefot Mayim, I da one goin push dem out in front da Israel peopo. Make shua fo give dis land to da Israel peopo fo come dea property, jalike I wen tell you fo do.