Songs 80:6 - Hawaii Pidgin Bible

⁶ You make da peopos Dat live aroun us guys Make argue wit each odda Fo find out who goin take ova us. Da guys dat stay agains us Make any kine joke bout us.

Songs 80:6 ပူးပေါင်းရင်းမြစ်များ

Songs 42:4

I spill my guts, Cuz I no foget how was befo time. Dat time, I wen go In front plenny peopo Fo bring dem by da Temple fo God, Wit erybody amping out Cuz dey stay real good inside. Had choke plenny peopo stay tell God “Mahalo plenny!” An all dem go togedda fo pray to him!

Songs 79:4

Da peopos dat live aroun us guys Make fun a us guys. Dey make any kine to us An talk bad bout us Jalike we notting.

Isaiah 36:8

“So now, make one bet wit my boss, da Assyria king. I give you guys 2,000 horse if you get enuff guys fo ride on top um!

Isaiah 37:23

“ ‘Who you wen make shame, Sennakerib?! Who you talk bad bout, aah?! You wen go talk strong agains me! You tink you mo betta den me, Da Good An Spesho God fo da Israel peopo!

Jeremiah 15:10

Den I tell: “Bummahs! Cuz my muddah wen born me Fo be da kine guy dat dis whole land like fight me An fight bout me. But I neva len nobody notting, An nobody borrow notting from me. Still yet, dey all like put kahuna on top me!”

Jeremiah 48:27

Befo time, was da Israel peopo Dat you Moab guys wen make fun a dem, aah?! Fo shua, you guys wen make lidat! You tink da Israel peopo Ony steala guys, aah?! No ways, dey neva make lidat! But az why you shake yoa head an tink, ‘Laytas wit dem!’ Weneva you talk bout da Israel peopo.

Ezekiel 36:4

Az why you Israel mountains gotta lissen up wat Da One In Charge, da Boss, tell! He stay talk to da mountains an hills, da gulches, da valleys, da places dat stay skery cuz dey all wipe out. He stay talk to da towns dat erybody bag from too. Da odda peopos aroun you guys wen rip off dose towns an make fun of um.

Jesus Show 11:10

All da peopo all ova da world goin feel good inside cuz dose two guys mahke. All da peopo goin party, an sen plenny present to each odda. Cuz dose two guys dat talk fo God wen make all da peopo suffa plenny.

Local Leadas 16:25

Wen dey stay high, dey yell, “Bring out Samson fo make us laugh!” So dey call Samson fo come outa da prison, an he do stuff fo make dem laugh. Den dey make him stan nea da big poses inside da temple.