Songs 79:3 - Hawaii Pidgin Bible

³ All ova Jerusalem town Dey wen kill yoa peopo An dump dea blood on top da groun Jalike dey pouring watta! No mo nobody fo bury yoa peopo!

Songs 79:3 ပူးပေါင်းရင်းမြစ်များ

Songs 141:7

Jalike wen da groun split an open up, Oua bones goin scatta all ova da place In front da Mahke Peopo Place.

Songs 79:10

No good da odda peopos Dat donno you tell, “Eh! Dem guys god, wea he stay?!” Da odda peopos, dey wen make Da peopo dat stay work fo you Bleed an mahke. So pay um back plenny fo dat. Let dose peopo know, Dat you da one punish um lidat, An let us guys see you do um.

Jeremiah 14:16

An da peopo dat lissen dem, dey goin mahke too inside Jerusalem, cuz dey no mo food, an da army guys goin kill dem wit swords too. Da army guys goin throw out da mahke bodies on top da streets. No goin get nobody fo bury dem, o dea wifes bodies, o dea boys bodies, o dea girls bodies. I goin make all da bad kine stuff dey do happen to dem.

Jeremiah 15:3

Da One In Charge tell: “I goin sen four kine tings fo wipe dem out: guys wit swords fo kill dem, da dogs fo drag da bodies out, da birds inside da sky, an da wild animals inside da fields fo eat um up an wipe um out.

Jeremiah 16:4

“Dey goin mahke cuz a all bad kine sick. No mo nobody goin stay sad inside an cry fo dem. No mo nobody goin bury dem. Dea mahke bodies goin lay on top da groun jalike rubbish. Dey goin mahke from da war, an cuz no mo food. Dea mahke bodies goin come food fo da birds an da wild animals.”

Jeremiah 25:33

“Dat time, da peopo Da One In Charge goin kill, you goin see dea bodies all ova da place, from one side a da earth to da odda side. No mo nobody goin cry fo dem. No mo nobody goin take away da bodies. No mo nobody goin bury dem. Dea mahke bodies goin stay ova dea jalike rubbish all ova da groun.

Jeremiah 34:20

But I goin give dose leada guys to da guys dat stay agains dem an like kill dem. Dea mahke bodies goin come food fo da birds inside da sky an da wild animals on top da earth.

Zefaniah 1:17

Me, Da One In Charge, I goin make da peopo come bum out. Dey goin walk jalike dey no can see notting, Cuz dey wen do bad tings agains me, Da One In Charge. Dea blood goin pour out jalike watta. Dea guts goin come out jalike doodoo.

Matthew 23:35

God goin punish you guys fo all da guys yoa ancesta guys wen kill. Dey kill any kine guys dat erytime do wat dey suppose to do, all da way from Abel to Zekariah, az Barakiah boy. He da guy yoa ancesta guys kill right inside da open lanai fo da temple, wit God spesho place on one side an da altar on da odda side.

Rome 8:36

Jalike da Bible tell befo time, “Cuz us guys, yoa peopo, all da time odda guys stay kill us. Dey make to us jalike we sheeps dey kill fo sell da meat.”

Jesus Show 11:9

Fo three an a half days goin get peopo from all da countries, ohanas, diffren language, an diffren kine peopos from all ova da world ova dea. Dey goin look at da guys bodies, an dey no goin let nobody bury um.

Jesus Show 16:6

Cuz dey wen kill da guys dat talk fo you, An yoa odda spesho peopo. Dey make yoa peopo bleed an mahke. Az why you give dose peopo dat stay agains you Blood fo dem drink too, Cuz az wat dey get cuz dey kill yoa peopo.”

Jesus Show 17:6

An I see, jalike one dream, dat da wahine feel high cuz she wen kill plenny peopo dat stay spesho fo God, an drink dea blood. Dass all da ones dat wen bleed an mahke cuz dey tell bout Jesus. Wen I spock da wahine, blow my mind.

Jesus Show 18:24

Inside Babylon, dass wea dey wen kill da guys dat talk fo God, An da peopo dat stay spesho fo God, An all da odda peopo dey wen kill inside da world— Dass wea dey wen bleed an mahke.”