Songs 78:8 - Hawaii Pidgin Bible

⁸ God no like fo dem ack Jalike dea ancesta guys, Cuz da peopo from dat time, Dey get hard head, An neva like do wat God tell um fo do. Dose peopo, dey neva make shua Dey stay solid inside, Cuz da way dey stay inside, God no trus um.

Songs 78:8 ပူးပေါင်းရင်းမြစ်များ

Songs 78:37

Inside, erytime dey stay change How dey tink bout him. Da way dey ack, God no can trus um Fo stick wit da deal Dey wen make wit him.

Outa Egypt 32:9

Da One In Charge tell Moses: “I know dis peopo. Dey real hard head.

Ezekiel 20:18

Inside da boonies, I tell dea kids, “No stick wit da rules yoa faddah guys wen make! No stick wit da tings dey tell you bout wass right an wass wrong! No go come pilau wit dea idol kine gods!

2 Kings 17:14

But da peopo, dey make deaf ear an no like lissen. Dey hard head jalike dea ancesta guys, dat no trus dea God, Da One In Charge.

Rules Secon Time 31:27

Cuz I know how you guys wen go agains me, an dat you guys hard head. I know you guys wen go agains Da One In Charge wen I still yet stay hea wit you guys, an fo shua you guys goin go agains him even mo plenny afta I mahke!

Jesus Guys 7:51

Den Stephen tell, “You guys real hard head! You no like go all out fo God! You no like lissen him! You make jalike yoa ancesta guys! You erytime like beef da Good An Spesho Spirit!

Ezekiel 20:8

But dey wen go agains me an no like lissen me. Dey no throw out all dea horraz kine idol gods dat dey like look at. An dey no bag from da idol kine gods from Egypt. So I tell dat I goin show how mad I stay agains dem, an pay dem back befo dey leave da Egypt land.

2 Records 30:7

No make jalike yoa ancesta guys an braddah guys, da ones dat neva stay tight wit Da One In Charge, da God fo dea ancesta guys. Az why Da One In Charge wen wipe dem out, fo odda peopo come bum out too wen dey tink bout dem, jalike you guys see now.

Rules Secon Time 9:24

You guys no like do wat Da One In Charge tell you fo do, from da firs time I know you guys.

Rules Secon Time 9:13

Da One In Charge tell me, ‘I see awready, an you know wat?! Dese peopo hard head fo shua!

Outa Egypt 33:3

Go dat good land, wea get plenny milk an honey erytime. But me, I no goin go wit you guys, cuz you all hard head, an bumbye I goin wipe out all you guys befo you get dea!”

Jesus Guys 11:23

Wen he come, he see dat God wen do plenny good tings fo dem. He stay good inside, an give dem good kine words fo stay tight wit Jesus, Da One In Charge, an trus him bout eryting.

Isaiah 30:9

Go do dat cuz dis peopo Dey hard head. Dey ony like go agains Da One In Charge. Dey jalike kids dat stay bulai erybody. Da One In Charge stay teach dem plenny, But dey no like lissen.

Songs 106:7

Da time oua ancesta guys Stay Egypt side, Dey neva undastan Da awesome tings you wen do. Dey foget how plenny Da nice kine stuff you wen do. Dey even wen go agains you Dat time dey stay nea da Red Sea!

Songs 68:6

God da one dat give one ohana To da peopo dat no mo ohana. Wen he let da prisona guys Go outa prison, He make shua dey come out solid. Ony da peopo dat go agains God Goin live Inside one hot an dry land Wea no mo notting.

Job 11:13

“But if you make yoa mind ready fo tink, An put out yoa hands fo pray to God,

2 Records 30:19

Cuz dey go all out fo try know Da One In Charge, da God fo dea ancesta guys. No matta dey no stay clean still yet, jalike da Rules fo da spesho place tell.”

2 Records 20:33

Ony one ting—da sacrifice places fo da idol kine gods on top da hills, stay still yet, an da peopo still no go all out fo da God fo dea ancesta guys.

2 Records 19:3

Still yet, get some good kine stuff inside you. Cuz you wen take out all da tiki poses fo da wahine god Asherah inside da land, an you wen make up yoa mind fo come fo know Da One In Charge.”

2 Records 12:14

Rehoboam wen do bad kine stuff, cuz he neva make up his mind fo find out wat Da One In Charge like him fo do.

Rules Secon Time 4:4

But all you guys dat stay tight wit yoa God, Da One In Charge, you still stay alive yet.

Outa Egypt 34:9

He tell, “Boss, if fo real kine you wen check me out an you like me, let me aks you fo do one ting: go wit us guys, no matta dese peopo hard head. Let us guys go even wen we no do wat we suppose to do an do bad kine stuff. Take us fo be yoa peopo!”

Joshua 22:15

Wen Finehas guys come Gilead side, to da Reuben ohana, da Gad ohana, an half da Manasseh ohana, dey tell dem:

1 Samuel 8:8

Dese buggahs, erytime dey ack lidis, from da time I wen get um outa Egypt till now! Dey bag from me, an let da odda kine gods come dea boss. Az how dey stay make to you too.

Songs 78:40

Plenny time, ova dea inside da boonies, Da Israel peopo wen tell God Dey no goin do how he tell um fo do. Dey wen make God Come plenny sore inside, Ova dea wea no mo notting!

Songs 78:56

But da Israel peopo, Dey ony like tes God Fo see wat he goin do, Da God Dass Mo Importan Den All Da Odda Gods, Dey neva do da tings he teach um.