Songs 78:4 - Hawaii Pidgin Bible

⁴ Same ting fo us guys, We no goin hide da teaching. We goin let oua kids know bout um. Cuz us guys gotta tell Da ones dat goin born bumbye How awesome Da One In Charge stay, An how strong him, An tell bout all da tings Dat stay hard fo do, But he do um.

Songs 78:4 ပူးပေါင်းရင်းမြစ်များ

Job 15:18

Da guys dat know wat fo do erytime, tell dis. Dey no hide notting dat dea ancesta guys wen teach dem.

Songs 26:7

Same time, I goin make shua erybody hear me tell Dat you da bestes. I goin tell da story Bout all da awesome kine tings you do.

Songs 9:14

So wen I go back Zion Town, I goin tell bout all da awesome tings you do! I goin show dat I stay good inside Cuz you wen get me outa trouble.

Outa Egypt 12:26

“Bumbye, yoa kids goin aks you guys, ‘Eh, wat mean dis spesho religious kine ceremony us guys stay make?’

Outa Egypt 13:14

“Bumbye, yoa boy goin aks you, ‘Eh Daddy! Wat all dis ting mean, fo buy um back fo make one sacrifice?’ “You goin tell um, ‘Cuz you know, my boy, Da One In Charge get plenny powa, an he wen use um dat time fo get all us guys outa Egypt cuz us was slaves ova dea.

Outa Egypt 13:8

Dat time ery year, you goin tell yoa boy da story, how come you stay make lidis. Tell um, ‘I stay do dis, cuz a wat Da One In Charge wen do fo me, dat time I wen come outa Egypt.’

Isaiah 38:19

Da peopo dat stay alive, Dey da ones tell dey know how awesome you, Jalike I stay do today. Da faddahs make shua dea kids know How you do wat you tell you goin do.

Joel 1:3

Tell yoa kids bout dis, Fo dem tell dea kids, An tell dose kids fo tell dea kids, Fo dem tell odda generations afta dat!

Rules Secon Time 11:19

Teach um to yoa kids. Talk bout um erytime, wen you guys stay inside yoa house, wen you walk on top da road, wen you lay down, an wen you get up.

Rules Secon Time 4:9

“Watch out fo shua dat you guys no foget da stuff you guys wen see Da One In Charge do! No foget bout um all da time you guys stay alive. Teach yoa kids all dis too, dem an dea kids afta dem.

Rules Secon Time 6:7

Make dese da main ting you teach yoa kids. Talk bout um erytime, wen you guys stay inside yoa house, wen you walk on top da road, wen you lay down, an wen you wake up.