Songs 76:6 - Hawaii Pidgin Bible

⁶ Wen you scold dem, Da horses an da guys dat ride um Fall down an pass out, Cuz you da same God Oua ancesta Jacob wen pray to.

Songs 76:6 ပူးပေါင်းရင်းမြစ်များ

2 Samuel 10:18

But da Aram guys run away in front da Israel guys. David dem kill da guys dat ride 700 a dea war wagons, an 40,000 a dea horse rida guys. An he wack General Shobak. So Shobak mahke ova dea.

2 Kings 19:35

Dat same day, nite time, one angel messenja guy from Da One In Charge go out inside da Assyria army camp. He kill 185,000 guys inside dea. Wen da Assyria guys dat no mahke get up da nex morning, get all da mahke bodies all ova da place!

2 Records 32:21

Az why Da One In Charge sen one angel messenja guy. He wipe out all da Assyria army guys, da officer guys, an da army leada guys inside da camp fo da Assyria king. Az why Sennakerib go back his land an lose face an come plenny shame. An wen he go inside da temple fo his god, some a his boys kill him dea wit dea swords.

Songs 104:7

But wen you tell da watta fo go, she go, Jalike da watta come sked An run away wen you sen da thunda.

Songs 18:15

Da One In Charge tell “Not good, wass happening!” Den he blow one real hard blas so can see da bottom a da ocean, An can see da foundation rock wea da earth stan.

Songs 80:16

Da odda peopos wen try Fo wipe out us guys, Jalike dey chop up yoa grape plant An burn um. I like fo dose peopo come wipe out. I like fo dem see Dat you stay huhu wit dem.

Outa Egypt 15:1

Den Moses an all da Israel peopo sing fo Da One In Charge lidis: “I like make one song fo Da One In Charge, Cuz he awesome, da way he show how big he stay! He wen throw da horses an da guys dat ride um inside da sea.

Outa Egypt 15:10

But you, God, you wen make yoa wind blow, An da sea cova dem up. Dey sink down jalike lead inside da big watta.

Outa Egypt 15:21

Miriam, she give um dis song fo sing back to her: “I sing fo Da One In Charge! He awesome fo real kine! Da horses an da guys dat ride um, God throw um all inside da Red Sea!”

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Jeremiah 51:39

Wen da Babylon peopo all stay amping out, Me, Da One In Charge, goin make one big party fo dem. An dea, I goin make dem come all piloot an wasted, Dey goin all pass out sleep foeva, An no wake up.” Az wat Da One In Charge tell.

Jeremiah 51:57

I goin make um come piloot—dea leada guys, Dea guys dat erytime know wat fo do, An dea govna guys, dea govmen guys, an dea army guys too. Dey all goin go sleep foeva, an no wake up.” Az wat da king tell, Da One dat get da name “Da One In Charge, da God Ova All Da Armies.”

Ezekiel 39:20

From my table, you guys goin come full cuz you eat up plenny horses an da guys dat ride um, spesho forces guys, an all kine army guys.’ Az wat me Da One In Charge, da Boss, tell.

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Nahum 2:13

Da One In Charge, Da God Ova All Da Armies, tell dis: “You know wat?! Me, I stay agains you Nineveh peopo. I goin burn up yoa war wagons in smoke! Odda armies goin wipe out yoa young guys wit swords, No matta dey skery jalike lions! I no goin let you guys kill notting fo eat no moa! No mo nobody goin lissen yoa messenja guys one mo time!”

Nahum 3:18

Bummahs, you king fo da Assyria peopo! Da guys dat take kea yoa peopo, jalike dey stay sleep. Yoa alii guys stay res. Yoa peopo stay scatta all ova da mountains. No mo nobody goin bring dem back togedda.

Zekariah 12:4

Da One In Charge tell, “Dat time I goin wack ery horse from da odda peopos fo make um come real sked, an make da guys dat ride um come pupule. I goin take kea da Judah ohana, but I goin make all da odda peopo horses so dey no can see notting.

1 Samuel 26:12

So David take da spear an da watta canteen dat stay nea Saul head, an dey get outa dea. Nobody wen see um, o know bout um, o wake up. Dey all stay sleep cuz Da One In Charge wen make dem pass out sleep.