Songs 76:5 - Hawaii Pidgin Bible

⁵ Had hard head peopo Dat come agains us, But us guys wen take away All da tings dey get fo fight, An now, dey look Jalike dey sleeping— But dey mahke fo real kine! Not even one a dea strong army guys Can use dea hands fo hurt us.

Songs 76:5 ပူးပေါင်းရင်းမြစ်များ

Songs 13:3

Eh! You Da One In Charge! You my God! Try look wass happening, an do someting fo me! Make me come strong one mo time, Cuz no good I jus mahke!

Isaiah 31:8

“God goin use one sword dat peopo neva make Fo kill plenny Assyria guys. He goin use one sword dat neva come from dis world An dat goin wipe um out. Da Assyria army guys goin run away from dat sword. Odda peopo goin take da young guys from Assyria away An make um work fo dem.

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Isaiah 46:12

Lissen to me, you hard head guys, You guys dat no even like try Fo do da right kine stuff!

Jeremiah 51:39

Wen da Babylon peopo all stay amping out, Me, Da One In Charge, goin make one big party fo dem. An dea, I goin make dem come all piloot an wasted, Dey goin all pass out sleep foeva, An no wake up.” Az wat Da One In Charge tell.

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Nahum 3:18

Bummahs, you king fo da Assyria peopo! Da guys dat take kea yoa peopo, jalike dey stay sleep. Yoa alii guys stay res. Yoa peopo stay scatta all ova da mountains. No mo nobody goin bring dem back togedda.