Songs 76:12 - Hawaii Pidgin Bible

¹² He no let dea leada guys feel proud, An he make king guys All ova da world stay sked a him.

Songs 76:12 ပူးပေါင်းရင်းမြစ်များ

2 Records 32:21

Az why Da One In Charge sen one angel messenja guy. He wipe out all da Assyria army guys, da officer guys, an da army leada guys inside da camp fo da Assyria king. Az why Sennakerib go back his land an lose face an come plenny shame. An wen he go inside da temple fo his god, some a his boys kill him dea wit dea swords.

Songs 2:10

Az why, you odda king guys, wise up! You leada guys hea inside da world, Lissen wat God tell you fo do, An do um!

Songs 2:5

But den, he talk to dem, Cuz he huhu. He goin get real mad, An make dem real sked. Dis wat he goin tell:

Songs 47:2

Da One In Charge, He da mos awesome one! You betta come sked a him! He da main king guy Ova da whole world.

Songs 50:14

You know wat da real kine sacrifice You suppose to make Fo me, yoa God? You gotta tell me ‘Mahalo!’ Fo wat I do, An wateva promise you wen make to me, Do um. Dass da real kine sacrifice.

Songs 68:12

“All da king guys an dea armies, Dey run away! Da wahines dat stay home, Dey half half all da stuffs Dea guys take away from da kings—

Songs 68:35

God, you awesome an unreal Wen you stay inside da place Dass spesho fo you! Da God fo us Israel peopo, He give powa to his peopo, An make us strong! I like erybody tell Da good tings God wen do!

Isaiah 24:21

“Dat time, Da One In Charge goin punish All da bad angel army guys inside da sky dat get powa dea. An da kings on top da earth dat get powa dea.

Prieses 23:38

Gotta make dese spesho religious kine ceremonies an da ceremonies fo my Res Days. An peopo like bring presents fo me, Da One In Charge, an wateva dey make one strong kine promise fo give me, an fo wateva you give me jus cuz you like give um.)

Zefaniah 3:6

Da One In Charge tell: “I wen wipe out plenny peopos. Dea big towns dat get strong wall stay all bus up. No mo nobody stay inside dea streets. No mo nobody go thru dea. Dea big towns stay all wipe out. No mo nobody stay dea.

Joshua 5:1

Dat time, da Amor peopo live da west side a da Jordan Riva. Da Canaan peopo live on da coast. Da king guys fo da Amor peopo an da Canaan peopo hear how Da One In Charge wen make da Jordan Riva come dry, fo us Israel peopo go across um. Az why dey wen come bum out. Dey lose fight an no like beef da Israel peopo.

Jesus Show 6:15

Den erybody all ova da world, da king guys, da odda leadas, da army bosses, da rich peopo, da guys dat get powa, an all da slave guys, an da guys dat not slaves, dey all go hide inside da caves, an unda da rocks on top da mountains.