Songs 74:22 - Hawaii Pidgin Bible

²² Stan up an make shua erybody know How come you stay do Wat you stay doing! No foget how da stupid peopo Talk all day fo try Make you come shame.

Songs 74:22 ပူးပေါင်းရင်းမြစ်များ

2 Kings 19:16

You Da One In Charge! Lissen real good! Open yoa eyes, an look! Lissen wat Sennakerib wen tell me. He stay talk bad bout you, da God Dat Stay Alive!

Songs 35:23

Eh! Wake up! Do someting fo me get my rights! Eh God, you da boss guy fo me. Do someting fo wat I gotta tell In front da judge!

Songs 53:1

Inside, da stupid peopo tink, “No mo God!” Dat kine peopo, Dey ony like bus up stuff. An do pilau kine tings, No mo even one a dem Dat do good kine stuff!

Songs 74:18

Eh! You Da One In Charge! Try no foget dis— Da peopo dat stay agains you, Dey like make you come shame. Da stupid peopo dat tink You not importan, Dey talk bad bout who you.

Isaiah 52:5

An now, Da One In Charge tell: “Now, wat I get hea?! Da Babylon peopo take away my peopo An dey no pay me notting fo dem. Da guys dat stay lead da Babylon peopo yell plenny. An all day dey talk bad bout who me.