Songs 74:21 - Hawaii Pidgin Bible

²¹ Do someting, fo da peopo Dat get plenny presha No come shame one mo time. Do someting fo help da pooa peopo An da ones dat no mo notting, Fo dem tell good tings bout you, Cuz dey know wat kine god you.

Songs 74:21 ပူးပေါင်းရင်းမြစ်များ

Ezra 3:11

Dey tell good tings bout Da One In Charge, an tell um “Mahalo plenny!” an dey sing fo Da One In Charge lidis: “Da One In Charge, he real good! He stay tight wit us Israel peopo foeva!” Den all da peopo yell loud an tell good tings bout Da One In Charge, cuz now da Temple Fo Da One In Charge get foundation.

Songs 103:6

Wat Da One In Charge do Erytime stay right. Wen somebody take away Da rights from odda peopo, God, he da judge Dat know da right ting fo do.

Songs 109:22

Cuz me, I no mo notting, An I stay sad inside. Inside, jalike I stay all bus up.

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Songs 35:10

I go all out fo tell: “Eh! You Da One In Charge! No mo nobody jalike you! Da peopo dat no mo powa, You get um outa trouble From da ones dat mo strong den dem. Da peopo dat no mo notting, You get um outa trouble From da ones dat like steal dea stuff.”

Songs 9:18

Nobody tink bout da peopo dat no mo notting. But no goin be lidat foeva. Da peopo dat not importan trus Dat bumbye, God goin help dem, An no mo nobody goin take dat away from dem.

Isaiah 45:17

But you Israel peopo, you goin get outa trouble Cuz you stay tight wit Da One In Charge. An da way he get you outa trouble, goin be foeva! You no goin get shame, An nobody goin make you come shame no moa, foeva!”

Jeremiah 33:11

bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.