Songs 74:20 - Hawaii Pidgin Bible

²⁰ Tink plenny bout da deal You wen make wit us guys. Cuz all ova da land, get dark places An plenny peopo hide dea, Dat like bus up odda peopo.

Songs 74:20 ပူးပေါင်းရင်းမြစ်များ

2 Samuel 23:5

“Fo shua, my ohana goin stay lidat wit God. He wen make one promise fo me dat stay foeva. He make shua ery part okay, an no ways goin change. He goin make me da winna! He goin make eryting happen Dat I like fo happen.

Songs 105:8

All da time he no foget Da deal he wen make. Fo one tousan generation He tell how gotta be.

Songs 106:45

Fo dem, God neva foget Da deal he wen make, An cuz he like stay real tight wit dem, He wen change his mind.

Songs 5:8

Eh! You Da One In Charge! Cuz you do da right ting erytime, Show me da way fo go! Cuz get plenny peopo dat stay agains me, Make um fo me do eryting da way you like.

Songs 89:28

I goin stay tight wit David foeva. Da deal I make wit him goin las foeva.

Songs 89:39

You tell, “No mean notting, Da deal I wen make Wit da guy dat work fo me!” You wen take his crown An throw um down on top da dirt!

Jeremiah 14:21

Cuz you get one good rep, no make to us guys like we no good. If you make to us jalike we stupid kine, Den da odda peopos goin tink you not one awesome king. No foget da deal you wen make wit us guys, An no broke da deal.

Rules Secon Time 12:31

You guys make shua you no go down an pray to yoa God, Da One In Charge, da same way dey go down an pray to dea gods, cuz dey do all kine pilau kine stuff dat Da One In Charge hate. Dey even kill dea boys an girls an burn up da bodies wit fire fo make one sacrifice fo dea gods.

Rules Secon Time 9:27

No foget da guys dat wen work fo you, Abraham, Isaac, an Jacob. No leave us guys, jus cuz dis peopo hard head, an stay do real bad kine stuff.’

Hebrews 8:10

‘Dis da deal I goin make bumbye Wit da Israel ohana peopo. I goin put my Rules inside dea head. I goin write um inside dem. I goin be dea God fo real kine, An dey goin be my peopo fo real kine.