Songs 74:13 - Hawaii Pidgin Bible

¹³ Was you wen split Da watta inside da sky From da watta inside da ocean, Cuz you strong! Was you wen smash Da heads a da sea monstas On top da watta.

Songs 74:13 ပူးပေါင်းရင်းမြစ်များ

Nehemiah 9:11

You open up da sea in front dem Fo dem go inside da middo a da Red Sea On top dry groun. But da guys dat was chasing dem, You throw dem down inside da deep watta, Jalike wen you throw one rock inside da rough ocean.

Songs 66:6

He wen make da bottom a da Red Sea Come dry land, Fo da peopo walk to da odda side. Dass da place wea da peopo Come real good inside cuz a God!

Songs 78:13

God wen split open da Red Sea An take da peopo thru da middo To da odda side. He wen make da watta pile up Dis side an dat side Jalike had one dam dea.

Outa Egypt 14:21

Den Moses hold his hand out ova da sea. Da One In Charge make da wind blow strong on top da watta from da east side all dat nite. Da wind push da sea watta one side an da odda side an make da sea bottom come dry land!

Outa Egypt 14:28

Da watta come back an cova ova da war wagons, an da horse rida guys, an all da Pharaoh army guys dat wen go chase da Israel peopo inside da Red Sea. Not even one a dem get outa dea.

Ezekiel 29:3

Give dem dis message: Dis wat Da One In Charge, da Boss, tell: Eh Pharaoh! King a Egypt! Me, I stay agains you! You jalike one riva monsta dat live inside yoa Nile Riva channels. Cuz you tell, ‘Da Nile Riva mines! I wen make um fo me!’

Ezekiel 32:2

“Eh! Fo Real Kine Guy! Sing one funeral kine song bout Pharaoh, da Egypt king. Tell him: “Mo den all da diffren peopos, You was jalike one lion! But now, you all bus up! You mo jalike one sea monsta from da ocean! You splash plenny watta in yoa Nile Riva channels. You step all aroun da riva an make um dirty. Az why da watta come muddy inside all da streams.