Songs 72:9 - Hawaii Pidgin Bible

⁹ I like fo da peopo dat live Wea no mo watta Go down on top dea knees In front him. I like fo da ones dat stay agains him Eat dirt!

Songs 72:9 ပူးပေါင်းရင်းမြစ်များ

Start 3:14

Den God, Da One In Charge, tell da snake dis: “Eh! Cuz you wen do dat, I goin make bad tings happen to you. No mo anodda animal dat I goin make bad tings happen to dem, Da way goin happen to you! From now till you mahke, You goin crawl on top yoa belly Wit yoa face in da dirt!

1 Kings 9:18

an Baalat an Tadmor inside da boonies inside da Israel land.

Songs 110:1

Dis wat Da One In Charge Tell my boss, da king: “Sit down hea, my right side, Da place dat show I get plenny respeck fo you. Wait till I bring Da peopo dat stay agains you Fo you put yoa foot on top dem Fo show dat you da winna ova dem.”

Songs 110:6

He goin punish da diffren peopos. He goin leave dea mahke bodies All ova da place. He goin smash da main leada guys All ova da world.

Songs 2:9

You goin smash um wit one iron bar, An bus um up Jalike dey ony clay pots.’ ”

Songs 22:29

Fo shua, da peopo all ova da world dat get plenny stuff, I like dey go down in front Da One In Charge Fo show him love an respeck. I like all da peopo go down on top dea knees in front Da One In Charge An all da ones dat goin go down inside dea grave, Cuz dey no can make shua dey goin stay alive.

Isaiah 49:23

You Jerusalem guys, You goin get king guys fo take kea yoa kids An be jalike dea hanai faddahs, An da alii wahines goin be Jalike da muddahs fo breas feed yoa kids. Dey all goin go down Wit dea face on top da groun Fo show respeck fo you Jerusalem guys, Jalike dey stay eating da dirt on top yoa feet. Den, you guys goin know dass me, Da One In Charge. Da peopo dat wait fo me, fo see wat I goin do, No way dey goin come shame!”

Micah 7:17

Dey goin eat dirt jalike da snake, An odda tings dat crawl on top da groun. Dey goin come from dea places wea dey live To oua God, dass Da One In Charge a us, An dey goin shake cuz dey stay plenny sked a you guys.”

Luke 19:27

Da guys dat stay agains me an no like me fo come dea king—bring um ova hea, an kill um in front me.’ ”