Songs 72:6 - Hawaii Pidgin Bible

⁶ I like fo da king make good tings Happen fo da peopo, Jalike da rain dat come down Right afta dey cut da grass, An jalike da passing showas Dat make da groun get plenny watta.

Songs 72:6 ပူးပေါင်းရင်းမြစ်များ

2 Samuel 23:4

Dat guy jalike da light, wen da sun come up, An wen no mo clouds. He jalike da sunshine dat come afta da rain go way, Dat make da grass come up from da groun.’

Songs 65:10

Ery place da farma guys plow, You make da land drink plenny watta Till da dirt lumps come sof. You sen da rain showas Fo make um come sof. You make eryting come good Fo da land, Az why eryting stay grow.

Smart Guys 16:15

Wen da king face look nice, Dat mean he like you an you goin live long time. Wen he like wat you do, Az good fo you, az jalike da clouds Dat bring rain jus da right time.

Smart Guys 19:12

Wen one king get mad, you betta watch out! Az jalike wen one lion make big noise. But wen da king like wat you stay do, eryting stay okay! Jalike wen da dew come on top da grass.

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

Hosea 6:3

Good we know Da One In Charge. Good we go all out fo know um. Jalike us guys stay shua da sun goin come up, We stay shua Da One In Charge goin show up— Jalike da rain dat come winta time, An jalike da rain give watta on top da earth spring time.”

Micah 5:6

Dey goin take ova da Assyria land wit dea swords. Dey goin take ova da town gates Inside da land dat Nimrod wen make his land. Wen da Assyria guys march inside oua land, Oua leada guy goin win!

Rules Secon Time 32:2

I like wat I teach fall down jalike da rain. An wat I tell come jalike wen get plenny dew, Jalike small kine rain on top da new grass, Jalike plenny rain on top young plants.