Songs 72:16 - Hawaii Pidgin Bible

¹⁶ I like fo da land grow Plenny food fo harves, Dat grow food all da way To da mountain tops! I like da land get plenny fruits, Jalike Lebanon! I like fo eryting go good Fo da peopo inside da towns. I like fo da peopo come Jalike wen da grass get flowas All ova da country side!

Songs 72:16 ပူးပေါင်းရင်းမြစ်များ

1 Kings 4:20

All ova da Judah an Israel land, get choke plenny peopo, jalike da sand on top da beach. Dey all get plenny fo eat an drink, an dey stay good inside.

Job 5:25

You goin know dat you get plenny kids. Da ones dat goin come from you goin be plenny, Jalike da grass on top da groun.

Job 8:7

Den, you know, da way you wen start Goin look jalike you neva have notting, Cuz bumbye you goin get plenny stuffs.

Songs 104:16

Da trees dat Da One In Charge plant Get enuff watta, Even fo da big cedar trees Lebanon side.

Songs 72:6

I like fo da king make good tings Happen fo da peopo, Jalike da rain dat come down Right afta dey cut da grass, An jalike da passing showas Dat make da groun get plenny watta.

Isaiah 29:17

Pretty soon, Lebanon goin come One place wea plenny tree grow. Peopo goin tink dat place look jalike one fores.

Isaiah 30:23

Da One In Charge goin sen rain Fo da seeds you guys goin plant inside da groun. Da food dat da groun bring up From da seeds you guys plant Goin be good kine, an goin get plenny. Dat time yoa cows goin get plenny fo eat Inside da big field.

Isaiah 32:15

Eryting goin stay lidat Till da Spirit from da sky come An take charge us guys. Dat time, da place wea nobody live, Goin get fields wea plenny stuff grow. Da field wea peopo tink plenny stuff grow now, Dat time dey goin tink, Look jalike one fores.

Isaiah 32:20

Afta dat, you guys goin stay feel good inside, Wen you plant yoa seed nea ery stream An let yoa cows an donkey go all ova.

Isaiah 35:2

Goin get flowas all ova da place dea. Da peopo inside da boonies goin dance an sing, An yell cuz dey feel good inside. Goin come awesome dea inside da boonies, Jalike da Lebanon mountain, An jalike Mount Carmel an da Sharon plain. Da peopo dea goin see dat Da One In Charge stay real awesome Dey goin see dat he da king.

Jeremiah 33:22

I goin make my worka guy David ohana an da Levi ohana dat make religious kine ceremonies in front me, come real plenny peopo, jalike all da stars inside da sky, an da sand on top da beach.”

Jesus Guys 1:15

Dat time had bout hundred twenny peopo dat trus Jesus. Dey come togedda, an Peter stan up fo talk.

Jesus Guys 2:41

Had bout three tousan peopo dat trus wat he tell, an get baptize. Den dey come togedda wit da odda peopo dat trus Jesus.

Jesus Guys 4:4

But plenny peopo dat wen hear dem trus wat dey tell. An bout five tousan peopo trus Jesus dat time.

Jesus Show 7:14

I tell him, “Mista, I donno. But you know!” He tell, “Dis all da peopo dat come out from da big trouble. Da Bebe Sheep Guy, he make um clean inside, cuz he wen bleed an mahke fo dem. Dey all clean inside, jalike wen peopo wash dea clotheses clean, an make um come white.

Jesus Show 7:9

Afta dat, jalike one dream, I look, an dea in front me had uku plenny peopo! Had so plenny dat no can count um. Dey come from all da countries, all da ohanas, all da diffren peopos, an all da language all ova da world. Dey stay stan in front God throne, an in front da Bebe Sheep Guy. Dey wear white kine clotheses, an dey hold branches from da palm tree.