Songs 71:7 - Hawaii Pidgin Bible

⁷ Plenny peopo watch me, Fo dem do wat I do. Cuz you strong, An you no let nobody hurt me.

Songs 71:7 ပူးပေါင်းရင်းမြစ်များ

Songs 61:3

Cuz you da one take kea a me Fo me no get hurt. You jalike one strong fort, So dat da guys dat stay agains me No can wack me.

Songs 62:7

God da one dat get me outa trouble An make da peopo get respeck fo me. He jalike one big strong rock Wea I can hide. I stay tight wit God, An he da One stay hide me.

Songs 62:8

Eh you peopo! Trus God foeva! Tell him eryting you tink bout! God, he da One Stay hide us guys from trouble. (Time out fo da music.)

Songs 62:9

Da peopo dat not importan, Dey jalike da air. Da importan peopo, No can trus wat dey tell you. Wen dey breave, dat air mo heavy Den all dose peopo togedda.

Isaiah 8:18

Look—I stay right hea wit da kids Da One In Charge wen give me. We jalike awesome kine signs inside Israel. Even oua names show Wat Da One In Charge, Da God Ova All Da Armies, goin do bumbye. He da One stay on top Mount Zion inside Jerusalem.

Jeremiah 16:19

Me, Jeremiah, I pray lidis: “Eh, you Da One In Charge. You da One make me strong! You give me one strong place fo hide! I can run away dea wen get trouble! All da nations all ova da world goin come by you From da mos far places inside da world. Dey goin tell, ‘Fo shua, oua ancesta guys ony get bulaia kine gods, Idol kine gods dat good fo notting. Da idol kine gods neva help dem.’

Zekariah 3:6

Den da angel messenja guy from Da One In Charge tell Joshua dis:

Zekariah 3:8

“ ‘Eh Joshua! Lissen up. You da Main Pries Guy! Yoa helpa guys dat stay sit down in front you, dey jalike signs bout da good kine tings dat goin happen bumbye. An bumbye I goin bring my worka guy hea too. He jalike da New Branch dat come out from da Root.

Luke 2:34

Simeon tell God fo do good tings fo dem too. He tell Jesus muddah Mary, “God wen sen dis boy, an plenny Israel peopo goin jam up cuz a him. But plenny odda Israel peopo, dey goin come good cuz a him. He goin be jalike one sign dat tell peopo fo watch out. Plenny peopo no goin like dat, an dey goin grumble bout him.

Jesus Guys 4:13

Da leadas see dat Peter an John talk wit powa an dey not sked. An da leadas know dat Peter an John jus regula guys dat neva go school fo learn, an dat blow dea mind. An dey know dat dese guys, dey wen hang out wit Jesus.

1 Corint 4:9

Us guys dat God wen sen all ova da place fo tell peopo bout Christ. I tink bout us guys lidis: God wen put us guys at da end a da line, jalike prisonas ready fo mahke. We jalike one show fo da peopo inside da world, an fo da angel messenja guys too.