Songs 71:24 - Hawaii Pidgin Bible

²⁴ All day, I goin talk plenny bout How you do da right ting erytime. Cuz da peopo dat wen look fo me Fo do bad tings to me, Dey shame now, an lose face!

Songs 71:24 ပူးပေါင်းရင်းမြစ်များ

Songs 35:28

Den, wit my mout, I goin talk Bout how you erytime do da right ting. All day, I goin tell peopo Dat you da greates!

Songs 37:30

Da peopo dat do wass right, dey tink plenny, So den dey know wat fo do erytime. Dey erytime talk bout Wat dey suppose to do.

Songs 70:3

Da ones dat tell me “Ahana kokolele!” I like dey come shame to da max!

Songs 71:13

Da ones dat come agains me fo kill me, I like fo dem come plenny shame An come wipe out. Da ones dat stay look Fo how dey goin hurt me, I like fo peopo tell dem Az no good wat dey do, An I like fo nobody Get respeck fo dem.

Songs 71:15

I goin tell da story bout how You stay do da right ting erytime. I goin talk all day bout How you get peopo outa trouble, No matta I ony know litto bit Wat you do!

Songs 71:8

Da ony ting I talk bout Is dat you da greates! All day, I talk bout How awesome you stay.

Songs 92:11

I see awready wat wen happen To da guys dat stay agains me. I hear awready wat wen happen To da bad peopo dat come fo fight me.

Matthew 12:35

Da good guy, he good inside, an he do good kine stuff. Da bad guy, he bad inside, an he do bad kine stuff.

1 Corint 15:25

Christ gotta stay da King, you know, till God bus up all da peopo dat go agains Christ fo show dat Christ da winna ova dem.

Efesus 4:29

No go talk pilau kine stuff notting. But wen you talk, tell ony good kine stuff dat goin help da peopo dat lissen fo make um come mo strong inside. Cuz dey need fo hear da kine stuff dass ony good fo dem.

Rules Secon Time 11:19

Teach um to yoa kids. Talk bout um erytime, wen you guys stay inside yoa house, wen you walk on top da road, wen you lay down, an wen you get up.