Songs 71:22 - Hawaii Pidgin Bible22 I goin tell erybody dat I yoa guy, An sing bout you, my God, Wit da ten-string harp, Bout how I can trus you Fo do wat you tell. I goin sing fo you Wit da small harp too, Cuz you da God Dat Stay Good An Spesho, Da One us Israel peopo stay pray to. အခန်းကိုကြည့်ပါ။ |
Songs 71:22
26 ပူးပေါင်းရင်းမြစ်များ
I goin face da Temple Dat stay spesho fo you Wen I go down fo pray. Dis fo show you love an respeck. I goin tell good tings bout you, Cuz I know who you. Cuz you erytime stay tight Wit yoa peopo, An cuz us guys can trus you Fo do wat you tell you goin do. Dass cuz you do wat you promise fo do, An dass da mos importan ting Peopo know bout you.
“Az why, wen dose peopo make lidat, Dey goin come poho, Jalike one plant wit da root all rotten, An da wind blow away all da flowas jalike dus, Jalike da fire burn up da junks from da wheat, An da dry grass no mo wen stay burn. Az cuz dey no take da Rules Dat Da One In Charge, Da God Ova All Da Armies, teach um, An dey ack jalike wateva Da One In Charge tell dem, Stay no good! No matta he da Good An Spesho God fo da Israel peopo,
Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.
Dey big boats wit sail, Cuz me, Da One In Charge, I da One Da peopo in da far islans stay wait fo. Da big boats from Spain come firs Fo bring yoa boys from one far away place Wit da silva an gold dey get. Dey come, cuz dey know Wat kine god me, yoa God, Da One In Charge, Da Good An Spesho God fo da Israel peopo, An I da One make you guys come awesome.
ကြော်ငြာတွေ