Songs 71:20 - Hawaii Pidgin Bible

²⁰ No matta you wen make me go Thru plenny bad kine trouble, You goin make me come back alive. You goin bring me back up No matta I stay almos inside da grave.

Songs 71:20 ပူးပေါင်းရင်းမြစ်များ

2 Samuel 12:11

“Dis wat Da One In Charge tell: ‘Wat I goin do, I goin make real bad kine stuff happen to you. Goin come from inside yoa ohana. I goin take away yoa wifes wen you stay watching, an I goin give dem to one guy dat stay nea you. He goin make sex wit yoa wifes day time, wen erybody can see.

Songs 119:25

I litto mo mahke awready, Jalike I stay lay on da dirt. Try make me strong one mo time, Jalike you wen promise fo do.

Songs 138:7

No matta get trouble ery place I go, An da peopo dat stay agains me Stay huhu, You goin make shua I no mahke. You goin show yoa powa An bus dem guys up! You get da powa Fo get me outa trouble.

Songs 16:10

Cuz you no goin leave me Inside da Mahke Peopo Place. I stay tight wit you, Az why you no goin make me know How stay, inside da grave.

Songs 60:3

You wen make yoa peopo suffa, Jalike you make um Drink da kine wine Dat make um piloot So dey no can stan up strait.

Songs 60:5

An cuz a dat, Fo da peopo you get love an aloha fo, I like fo dem get outa trouble. You get plenny powa, So go do someting fo help dem!

Songs 80:18

Den us guys no goin bag from you. Make us guys come alive one mo time, Fo us yell fo you help us Cuz we know wat kine god you.

Songs 85:6

You goin make yoa peopo Come alive one mo time, Fo us guys stay good inside Cuz a you, o not?

Songs 86:13

Cuz you stay real tight wit me. You even make um Fo me no gotta go da mos deep part A da Mahke Peopo Place!

Songs 95:4

From unda da ocean To da top a da mountain, Da One In Charge stay in charge.

Isaiah 26:19

Yoa mahke guys goin come alive one mo time! Da mahke bodies a my peopo goin come up! All you guys dat was inside da dirt, Wake up an yell cuz you feel good inside! Da mahke spirits goin come alive one mo time, All new, jalike da watta dat come on top da grass Wen da light come, morning time, An jalike da earth wen make um come up.

Isaiah 38:17

Fo shua, if I neva suffa plenny, Notting come good fo me afta. You get plenny love an aloha fo me. Az why you neva let me go Inside da Deep Dark Hole, an mahke. You wen take all da bad kine stuff I wen do, An put um behind yoa back.

Jonah 2:6

I go down to wea da mountains stan, On top da ocean bottom. Jalike I go down to da Mahke Peopo Place, Dat get one lock fo keep me inside, An I no can go outside, eva! But you, you da God I pray to, Da One In Charge! You wen bring me up outa da grave, An I alive still yet!

Mark 15:34

Three clock Jesus yell real loud, “Eloi, eloi, lema sabaktani!” Aramaic language dat mean, “My God, my God, how come you bag from me?”

Jesus Guys 2:24

But God make him come back alive one mo time from mahke. He no need suffa an mahke one mo time, cuz a wat God wen do. He no can stay mahke cuz he mo strong.

Efesus 4:9

Wen da Bible tell, “He go up,” dass jalike one picha, you know. Dat mean dat Christ wen come all da way down hea to da earth, an afta, he go up inside da sky.

Jesus Show 7:14

I tell him, “Mista, I donno. But you know!” He tell, “Dis all da peopo dat come out from da big trouble. Da Bebe Sheep Guy, he make um clean inside, cuz he wen bleed an mahke fo dem. Dey all clean inside, jalike wen peopo wash dea clotheses clean, an make um come white.

1 Samuel 2:6

“Yeah, Da One In Charge, make peopo mahke, An make dem come alive too. Yeah, he take peopo down inside da Mahke Peopo Place, An he bring um out.