Songs 71:19 - Hawaii Pidgin Bible

¹⁹ Eh God, you do wass right erytime, An erybody know dat, From hea inside da world To up dea inside da sky! You wen do big tings, God. No mo nobody stay jalike you!

Songs 71:19 ပူးပေါင်းရင်းမြစ်များ

Job 5:9

God do awesome kine stuff dat nobody can tink. He do unreal kine stuff, mo den can count.

Songs 139:6

Da way you know me, Blow my mind! You know me mo betta Den I know me!

Songs 35:10

I go all out fo tell: “Eh! You Da One In Charge! No mo nobody jalike you! Da peopo dat no mo powa, You get um outa trouble From da ones dat mo strong den dem. Da peopo dat no mo notting, You get um outa trouble From da ones dat like steal dea stuff.”

Songs 36:7

Eh God! You get one big heart Fo help yoa peopo, An no can get notting betta den dis! Az why peopo can run by you An hide fo no get hurt, An you cova dem Jalike da muddah bird Hide dea bebe birds unda da wings.

Songs 57:10

You stay plenny tight wit yoa peopo Jalike get plenny sky up dea! You da kine God us guys can trus plenny, Jalike get plenny clouds inside da sky!

Songs 72:18

I like erybody tell good tings bout God, Da One In Charge, Da God fo us Israel peopo! Him da ony god dat do stuff Dass awesome fo real kine!

Songs 86:8

You my Boss! No mo one mo God like you, From all da gods Dat da odda peopos pray to! No mo one mo god like you, Dat do da kine tings you do.

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Smart Guys 15:24

Da peopo dat undastan stuff, Dey goin go up an get da real kine life Cuz a da way dey live. Az how dey no goin end up Down inside da Mahke Peopo Place.

Smart Guys 24:7

Da peopo dat do bad kine stuff An dat no bodda dem, No way dey goin undastan Wat da guys dat know wat fo do erytime, tell. Az why, wen dey go by da importan peopo, Dey no mo notting fo tell.

Isaiah 40:18

“If you guys like tell, ‘God, he jalike one guy,’ Den, who dat guy?! No moa! If you goin tell he look jalike someting, Den, wat da ting you guys tink he look jalike, Fo you look at him an da ting, togedda?! No moa!

Isaiah 40:25

“Da Good An Spesho God tell dis: ‘If you guys like tell, “God, he jalike one guy,” Den, who da guy Dat you tink I jalike him?! No moa!’ Az wat da Spesho One tell.

Isaiah 5:16

But Da One In Charge, Da God Ova All Da Armies, Cuz he stay judge da right way, Peopo goin know how big him! Him, da God dat stay good an spesho! Peopo goin know how spesho he stay Cuz he do da right ting erytime!

Isaiah 55:9

Jalike da sky stay mo high den da earth, Same ting, da way I do stuff, stay mo high Den da way you guys do stuff. An da way I tink, I tink mo betta Den da way you guys tink.

Jeremiah 10:7

Erybody gotta get choke respeck fo you! Cuz you da king fo all da peopos. Az who you! Da diffren peopos get dea guys dat know wat fo do erytime, An dey get dea kings, But still yet no mo nobody stay jalike you!

Luke 1:49

Cuz God get powa An do plenny importan tings fo me. He stay good an spesho, Dass wat kine god him.

Rules Secon Time 3:24

‘You Da One In Charge! You da Boss, an I yoa worka guy. You wen start fo show me how big an how strong you stay. No mo any odda god inside da sky o on top da earth dat can do stuff jalike da awesome kine tings you do.