Songs 71:18 - Hawaii Pidgin Bible

¹⁸ No matta I ol awready an get gray hair, God, no dump me, Till I pau tell da kids How strong you stay, An tell all da ones Dat goin born afta dem, Da kine powa you get.

Songs 71:18 ပူးပေါင်းရင်းမြစ်များ

Start 27:1

Had one time, Isaac was real ol an his eye stay bad an he no see good. He tell his older boy Esau fo come by him. Wen Esau get dea, Isaac tell um, “Eh my boy!” Esau tell, “Yeah, I stay hea.”

Songs 22:31

Da peopo dat not born yet, Bumbye peopo goin tell dem how Da One In Charge do da right ting erytime. Dey goin hear bout eryting Da One In Charge do.

Songs 48:14

Tell um dis: “Dis God, He da God fo us guys, all da time. He goin show us da way fo go Till us mahke.”

Songs 71:9

An now, I ol. No throw me out! No dump me Jus cuz I no stay strong no moa.

Songs 78:4

Same ting fo us guys, We no goin hide da teaching. We goin let oua kids know bout um. Cuz us guys gotta tell Da ones dat goin born bumbye How awesome Da One In Charge stay, An how strong him, An tell bout all da tings Dat stay hard fo do, But he do um.

Songs 78:6

He do all dis, fo da peopo know Dat goin come bumbye, Even da ones dat not born yet, Da ones dat come bumbye, Dey goin stay ready Fo tell dea kids da stories too.

Outa Egypt 13:8

Dat time ery year, you goin tell yoa boy da story, how come you stay make lidis. Tell um, ‘I stay do dis, cuz a wat Da One In Charge wen do fo me, dat time I wen come outa Egypt.’

Isaiah 46:4

Even wen you guys come ol an get gray hair, I still Da One In Charge. I still goin help you guys. I wen make you guys An I goin carry you guys. I goin get you guys outa trouble.

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Isaiah 53:1

You tink get peopo dat trus Wat dey wen hear from us guys?! No way! You tink Da One In Charge wen show one a dem How strong him?! Not even!

Jesus Guys 13:36

“David, he work fo do wat God like him fo do wen he stay alive, an den he mahke. Dey bury him wit his ancesta guys, an his body come rotten.

1 Samuel 4:15

(Eli, he ninety eight year ol, an his eyes real bad, he no can see.)

1 Samuel 4:18

Wen da guy tell bout Da Box, Eli fall back from da chair, ova dea by da side a da town gate. An cuz he so ol an real fat, his neck broke, an he mahke. Fo forty year, Eli wen lead da Israel peopo.