Songs 7:9 - Hawaii Pidgin Bible

⁹ Cuz you da God dat do wass right erytime, An tes wat peopo tink An judge how dey stay inside. Make da peopo dat stay do bad tings, Fo no do um no moa! Make da peopo dat stay do wass right, Come strong an solid.

Songs 7:9 ပူးပေါင်းရင်းမြစ်များ

Start 20:5

Abraham da one wen tell me, ‘Dis my sistah!’ An da wahine tell me da same ting, ‘Dass my braddah.’ Da ting I wen do, no can poin finga me, cuz inside me, I no tink I stay do notting bad cuz a dem. I neva do notting!”

1 Kings 8:32

Den I like you lissen from da sky An judge wat da guy dat swea to you tell, An wat da odda guy tell. Fo da one dat wen do someting bad, Make da bad ting he wen do Come back an hurt him. An fo da one dat do da right ting, Show um dat he get um right wit you, Cuz wat he do, az wass right.

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

Songs 10:15

Go take away da powa Dat da bad peopo get. Den, wen you pay um back Fo da bad tings dey do, You no goin let um go till dey all come wipe out.

Songs 10:18

Wen da peopo dat no mo muddah an faddah yell fo help, An da peopo dat da oddas make any kine to, You goin stan up fo dem. You goin make lidis Fo da bad guys in da world No make nobody sked no moa!

Songs 11:5

Da One In Charge, he look good on da peopo dat do wass right, An on da peopo dat do real bad kine stuff too. Deep inside, he hate da peopo Dat like bus up odda peopo.

Songs 139:1

Eh! You Da One In Charge! You check me out all da time Fo see how I stay inside. Az how you know eryting bout me.

Songs 17:3

You look inside me, An you know how I tink. Nite time, you come by me Fo tes me An see if get anyting pilau inside me, So you know no mo notting wrong. I make up my mind fo no tink bad kine tings. No way notting pilau goin come outa my mout,

Songs 18:21

Cuz I make shua I do eryting da way Da One In Charge like, I no go do stuff dat no stay right, An I no go way from my God.

Songs 26:2

So tes me, Da One In Charge. Make me pass yoa tes. Hemo all da junks I get inside, Look deep inside me, An look inside my head.

Songs 35:23

Eh! Wake up! Do someting fo me get my rights! Eh God, you da boss guy fo me. Do someting fo wat I gotta tell In front da judge!

Songs 37:23

Wen Da One In Charge change somebody Fo dem come solid, Da One In Charge stay good inside Cuz a how da guy ack.

Songs 40:2

He wen pull me up Jalike he pull me outa one big hole Wea I litto mo mahke. He pull me outa dea, Jalike outa da sticky mud Fo make me stan on top one big rock Fo me walk an no fall down.

Songs 43:1

Eh God! You da judge Fo show erybody dat I okay. I need fo you show proof Dat I neva do notting bad. Cuz da whole nation, Dey no stay tight wit you! I need fo you rescue me Away one place Wea dey no can hurt me. Away from da ones dat stay bulai An do bad tings to me.

Songs 44:21

You tink God neva know dat, O wat?! Cuz he da One know eryting Dat us stay hide inside us. But dass not how was.

Songs 58:6

Eh God! Punch out da teet Inside dese bad leada guys mout! Eh! You Da One In Charge! Dem guys, dey jalike young lions, So go pull out dea big teet!

Songs 9:9

Az why Da One In Charge, he jalike one place Wea da peopo dat get plenny presha can go hide Any time dey get trouble.

Songs 96:10

Tell all da diffren nations, “Da One In Charge, he da King! Fo shua, da world stay solid, No can throw um off. Wen Da One In Charge judge all da diffren peopos, He judge um da right way!”

Songs 96:13

In front Da One In Charge, Cuz he stay come hea! He stay come fo be Da Judge fo da whole world. He goin judge erybody in da world Da right way. He goin show da peopos Wass da trut fo real kine Fo dem trus him.

Songs 98:9

Cuz all dem stay In front Da One In Charge! Fo shua he stay coming fo be da judge Fo erybody inside da world. He goin judge da world da right way, An he no goin make Diffren kine to diffren peopos!

Jeremiah 11:20

But you, Da One In Charge, da God Ova All Da Armies, you judge peopo da right way. You know how erybody feel an how erybody tink. I wen tell you eryting fo you take kea me cuz you da Judge. Az why I like you pay back da peopo dat stay make one plan fo kill me.

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Jeremiah 20:12

Da One In Charge, you da God Ova All Da Armies. You tes da peopo dat do da right ting. You know how dey feel an how dey tink. I like see you pay back dose odda guys, Cuz I wen tell you eryting bout da problem I get.

Daniel 11:45

He goin put up his king kine tents wit da Mediterranean Sea makai side, an da nice looking mountain dat stay spesho fo God, mauka side. But den, he goin mahke, an no goin get nobody dea fo help him.”

Jesus Guys 12:23

But King Herod neva tell notting. So right den an dea, cuz Herod no talk good bout God an tell um “Mahalo plenny!” one angel guy from Da One In Charge wack him, an he get worms dat eat up his inside an he mahke.

Rome 16:25

God get da powa fo make you guys stan strong. Dass wat da Good Kine Stuff From God tell, an dass wat I teach odda peopo, wen I tell um bout Jesus Christ. God show all us guys all da stuff bout Christ dat da peopo from befo time neva know cuz was one secret.

1 Tessalonika 3:13

I like God make you guys stay strong an solid inside. Wen he do dat, den you guys goin stan in front God oua Faddah, an nobody goin poin finga you guys, cuz you guys stay good an spesho fo him! Dass how goin be wen Jesus, Da One In Charge, come back wit all his spesho peopo.

1 Peter 5:10

God like do plenny stuff fo all us guys. He wen tell you guys fo come his guys, cuz you guys stay tight wit Christ. An cuz a dat you guys goin come awesome foeva jalike God. Afta you guys suffa one short time, God goin make you guys come mo betta den befo time. He goin make you guys stan up mo strong an come real solid inside so notting shake you up.

Jude 1:1

Aloha! Dis me, Jude. Me James braddah, you know. An I one worka fo Jesus Christ, da Spesho Guy God Wen Sen. I stay write dis letta fo you guys. God da Faddah tell you guys fo come by him an be his guys. He get plenny love an aloha fo you guys dat stay tight wit him, an Jesus Christ take good kea you guys.

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.

1 Samuel 16:7

But Da One In Charge tell Samuel, “No ways! No look da outside, how he look o how tall he stay. Cuz I no goin pick him. I no look fo da tings dat peopo like see. Peopo ony look wat stay da outside a peopo. But me, Da One In Charge, I look wat stay inside da peopo.”

1 Samuel 2:9

He goin take kea his spesho peopo, wea eva dey go! But da bad kine peopo, dey goin mahke An stay one dark place. “An if one guy come strong, Da powa dat he get, you know, Neva come from inside him. Come from Da One In Charge!