Songs 7:4 - Hawaii Pidgin Bible

⁴ O if I wen go set up my fren So someting bad happen to him, O if I rip off somebody dat give me hard time, Jus cuz I like do um—

Songs 7:4 ပူးပေါင်းရင်းမြစ်များ

Start 44:4

Afta da braddah guys go litto bit outside da town, Joseph tell da guy dat take kea his house, “Now! Go afta dem guys! Chase um, stop um, an wen you catch um up, tell um dis: ‘Eh! My boss wen make good to you guys, but you guys, you do one bad ting fo pay um back!

Start 44:9

Go check out all us guys bags hea, cuz we jalike yoa slave guys. If you find da spesho cup inside anybody stuffs, you can kill da guy, an all us odda guys, us goin come yoa slave guys.”

2 Samuel 16:8

Now, Da One In Charge stay pay you back, cuz a all da Saul ohana guys you wen kill! You wen take ova his place fo come king! Awready Da One In Charge give yoa peopo to yoa boy Absalom fo come king ova dem! Cuz you wen kill plenny peopo, I like eryting come bad fo you!”

Job 31:22

Den I like my arm fall down from my shoulda, An mo betta broke off from da elbow!

Job 31:7

I neva tell ‘Laytas’ to da way God like fo me go. I neva like get all da tings I look at. My hands neva grab someting dey not suppose to touch.

Songs 109:5

Weneva I do someting good fo dem, Dey pay me back wit someting bad. Weneva I like make frenz wit dem, Dey show dey hate me, An dass how dey pay me back.

Songs 55:20

Da guy dat was my fren wen go hurt me Wen eryting was good wit me an him. He wen make jalike he no need fo do Wat he wen promise fo do.

Smart Guys 17:3

Fo find out if silva an gold, good o no good, Gotta melt um on top da fire. But Da One In Charge, he da One Tell how peopo tink.

Jesus Guys 16:28

But Paul yell, “Eh! No hurt yoaself! Us guys all stay hea!”

1 Samuel 20:1

Den David run way from Naiot, inside da Ramah land, an go by Jonathan. He aks, “Wat I wen do? Wat kine crime Saul like bus me fo? Da way yoa faddah see me, jalike I wen do someting real bad agains him, cuz he stay look fo me fo kill me!”

1 Samuel 22:14

Ahimelek tell da king, “No mo nobody from all yoa officer guys mo solid fo you den David, yoa son-in-law! He da captain fo yoa bodyguard. Erybody inside yoa ohana get plenny respeck fo him.

1 Samuel 24:7

Az how David make shua his guys tink diffren den wat dey tell um da firs time, an no let dem attack Saul. Same time, Saul stan up an go outa da cave an go way.

1 Samuel 26:21

Den Saul tell, “Yeah, wat I wen do was bad! Go come back, David my boy! I promise, I no goin try hurt you one mo time. Today, you wen let me stay alive cuz you get respeck fo me. Fo shua, den, I wen ack stupid, an jam up fo real kine!”

1 Samuel 26:24

Fo shua I wen make to you jalike yoa life importan, wen I neva kill you today. So same ting, I like Da One In Charge show me respeck an no let you kill me, an get me outa all kine trouble too!”