Songs 69:32 - Hawaii Pidgin Bible

³² Da peopo dat stay suffa, Goin see wat stay happening, An dey goin stay good inside Cuz a dat! All you peopo dat like find God, You goin get one good life cuz a dat!

Songs 69:32 ပူးပေါင်းရင်းမြစ်များ

Songs 22:26

Da peopo dat odda peopo put down, Dey goin eat plenny, all dey like fo eat! All da peopo dat like know Da One In Charge, Dey goin talk good bout him. I like fo dem guys get life an stay good inside, foeva!

Songs 22:29

Fo shua, da peopo all ova da world dat get plenny stuff, I like dey go down in front Da One In Charge Fo show him love an respeck. I like all da peopo go down on top dea knees in front Da One In Charge An all da ones dat goin go down inside dea grave, Cuz dey no can make shua dey goin stay alive.

Songs 25:9

Da peopo dat no tink Dey gotta be numba one erytime, He show dem how fo go da right way. He teach dem his way fo do tings.

Songs 34:2

I like talk big bout Da One In Charge, Cuz a wat he do. Wen da peopo dat no tink Dey gotta be numba one Hear bout him, Dey goin stay good inside jalike me.

Songs 50:13

You tink I gotta eat bull meat O drink blood from da goats Fo stay alive? No way!

Songs 50:14

You know wat da real kine sacrifice You suppose to make Fo me, yoa God? You gotta tell me ‘Mahalo!’ Fo wat I do, An wateva promise you wen make to me, Do um. Dass da real kine sacrifice.

John 16:22

Same ting wit you guys: Now, you guys stay sad an crying inside, but bumbye I goin see you guys one mo time, an den you guys goin stay good inside. Dat time, no goin get nobody fo make you feel bad one mo time.

John 20:20

An wen Jesus tell dat, he show dem da scars on top his hands an his side. An his guys come real good inside wen dey see Da One In Charge a dem.