Songs 69:29 - Hawaii Pidgin Bible

²⁹ But me, I stay suffa, an I hurt. Eh God, get me outa trouble So notting bad happen to me.

Songs 69:29 ပူးပေါင်းရင်းမြစ်များ

Songs 109:22

Cuz me, I no mo notting, An I stay sad inside. Inside, jalike I stay all bus up.

Songs 109:31

Cuz wen somebody need help, Da One In Charge, He stay right dea by dem Fo get um outa trouble, No matta odda peopo Like judge dem an kill um.

Songs 18:48

Wen da peopo dat stay agains me like hurt me, He get me outa da trouble. Eh God! You even make me mo importan Den da peopo dat come agains me. Wen peopo come fo bus me up, You get me outa trouble.

Songs 20:1

Eh king! Wen get big trouble An you like yell fo Da One In Charge help you, I like fo him help you. I like fo God make shua notting bad happen to you, my king, Cuz you know wat kine god him, Da One oua ancesta guy Jacob wen pray to.

Songs 40:17

But me, I no mo notting. I ony get hard time. I like you, my Boss, tink bout me! Cuz eh! You my helpa! You my God! No wait! No take long time, aah?!

Songs 59:1

Eh God! You da God fo me! Get me outa trouble From da peopo dat stay agains me! Wen dey come fo attack me, Make shua dey no hurt me!

Songs 70:5

But me, pooa ting, I no mo notting! I ony get hard time. Eh God! Do someting fo me, right now! Cuz you da one dat help me, An make shua I get outa trouble. You, you Da One In Charge! No make me wait long time!

Outa Egypt 32:33

But Da One In Charge tell Moses, “Az ony da peopo dat wen do bad kine stuff cuz dey stay agains me. Dey da ones I goin wipe out dea names from inside my book.

Jeremiah 17:13

You Da One In Charge, da One us Israel peopo wait fo! Erybody dat bag from you goin come shame. Da peopo dat no go yoa way, Ony get one place wea somebody goin write dea name: Az on top da dirt. Cuz dey wen bag from you, Da One In Charge. No matta you jalike one watta spring fo dem Wea da watta come out all da time an make peopo come alive.

Matthew 8:20

Jesus tell him, “Da foxes get hole fo house, an da birds in da sky get nes. But me, da Fo Real Kine Guy, I no mo house fo lay down.”

2 Corint 8:9

You guys know dat Da One In Charge a us guys, Jesus Christ, wen do plenny good tings fo you guys. Befo time he was rich, but he wen come pooa fo help you guys fo come rich.