Songs 69:20 - Hawaii Pidgin Bible

²⁰ Da way dem guys talk bad bout me, Inside I come real sore. I look fo somebody Dat can take away da sore, But no mo nobody can do dat.

Songs 69:20 ပူးပေါင်းရင်းမြစ်များ

Job 16:2

“Befo time I wen hear plenny stuff jalike wat you guys tell. You guys donno how fo make me feel mo betta! You ony stay presha me out moa!

Songs 123:4

Us stay had it awready, Cuz da peopo dat ack high makamaka An no mo notting fo do, Talk stink bout us an laugh. An da proud peopo dat put Plenny presha on us, Dey stay make jalike us guys notting.

Songs 142:4

Try look aroun me fo see No mo nobody kea fo help me! Da place fo go wea nobody can hurt me, Gone awready! Nobody kea if I alive o mahke!

Songs 42:10

Da peopo dat stay agains me, Dey like make me come shame, Jalike my bones real sore, Enuff fo kill me. All day dey talk: “Eh! Yoa God, how come He no stay by you?!”

Songs 42:6

Eryting inside stay all bum out. Still yet, I goin tink plenny Bout you, my God, No matta I stay on top Mount Hermon O on top da Mizar Hill, An inside da land Wea da Jordan Riva start.

Isaiah 63:5

I look real hard, But no mo nobody dea fo help me. Bum me out dat nobody dea kokua me. Az why I use my powa fo do wat I gotta do. I stay huhu, an dass wat wen kokua me.

Matthew 26:56

But all dis gotta happen, jalike da guys dat talk fo God wen write inside da Bible.” Den all his guys bag, an no mo nobody stay dea by him.

Mark 14:37

He go back by his guys, an dey stay sleeping. He tell Peter, “So, wat? Simon, how come you stay sleeping? You guys no can stay up wit me fo ony one hour, o wat?

Mark 14:50

Den all Jesus guys bag, an no mo nobody stay dea by him.

John 12:27

Den Jesus tell, “Right now I feel all funny kine inside. Wat I goin tell? ‘Faddah, no let me mahke!’? No way I goin tell dat! Dass why I wen come hea, fo me mahke.

John 16:32

You know wat? Da time goin come, an almos stay hea now, wen all you guys goin bag, an scatta all ova da place. Erybody goin go his place, an I no goin stay by nobody. But I no stay by nobody, cuz my Faddah stay by me.

Hebrews 11:36

An had odda peopo too. Peopo laugh at um an whip um hard. An mo worse, dey tie up odda guys wit chains an throw um inside one prison.