Songs 69:16 - Hawaii Pidgin Bible

¹⁶ Eh! You Da One In Charge! Do someting fo help me! Cuz az good, How you stay tight wit yoa peopo. Turn aroun an look at me, Cuz you get plenny pity Fo do stuff fo me.

Songs 69:16 ပူးပေါင်းရင်းမြစ်များ

Songs 106:45

Fo dem, God neva foget Da deal he wen make, An cuz he like stay real tight wit dem, He wen change his mind.

Songs 109:21

But you, you Da One In Charge, You my boss. Do good tings fo me, Fo show wat kine god you. Good, da way you stay tight wit me, So now, get me outa trouble!

Songs 18:5

Jalike I all tie up wit ropes Fo pull me inside da Mahke Peopo Place. Jalike get trap wea I goin step Fo kill me.

Songs 25:16

Eh! You Da One In Charge! Try turn aroun an look at me An do someting good fo me. Cuz no mo nobody fo help me, An I get real hard time.

Songs 26:11

But me, da way I live, I do eryting how I suppose to do. Az why, get me outa trouble An do good tings fo me.

Songs 36:7

Eh God! You get one big heart Fo help yoa peopo, An no can get notting betta den dis! Az why peopo can run by you An hide fo no get hurt, An you cova dem Jalike da muddah bird Hide dea bebe birds unda da wings.

Songs 51:1

Eh God! Give me chance, Da way erytime you stay tight Wit yoa peopo. Cuz you stay get plenny pity fo dem, Az why you gotta hemo da shame I get Cuz I wen go agains you.

Songs 63:3

You stay tight wit me cuz I yoa guy. Mo betta I live lidat, Den jus stay alive. I goin tell Dat you da bestes!

Songs 69:13

But me, I stay pray to you, Da One In Charge. Wen da right time come, God, Do wat I aks you fo do, Cuz you stay tight wit yoa peopo Big time, An I can trus you Fo get me outa trouble!

Isaiah 63:7

“I goin make shua nobody foget, An tell all dat Da One In Charge do Cuz he stay tight wit us guys, An I goin tell all da good tings Bout Da One In Charge Cuz he do good tings fo us guys. He give us Israel ohana peopo Plenny good kine stuffs. He show love an pity fo us guys, An he stay tight wit us guys foeva.

Micah 7:19

You goin take us back one mo time, Cuz you get love an pity fo us. You goin hemo all da bad kine stuff we wen do, Jalike you goin throw all da bad kine stuff us guys wen do Down inside da mos deep ocean.