Songs 69:11 - Hawaii Pidgin Bible

¹¹ Da time I wen wear Burmbag kine clotheses Fo show I stay sad inside, Dem guys, dey make fun a me.

Songs 69:11 ပူးပေါင်းရင်းမြစ်များ

1 Kings 9:7

If you guys jam up, den I goin throw out da Israel peopo from da land I wen give um. Dat Temple dat I wen make spesho fo me, da place fo show wat kine god me, I no goin kea bout dat place no moa. An wen all da odda peopos tink bout da Israel peopo, dey goin tell bad kine stuff bout dem, an tell, ‘Watch out! You goin come jalike da Israel peopo!’

Job 17:6

“God let erybody talk bad bout me. I da kine guy, peopo spit on my face.

Songs 109:24

I no eat so I can pray, Dass how come I no can stan up. I come all skinny An no mo fat on me.

Isaiah 20:2

Dat time, Da One In Charge wen tell me, Isaiah, Amoz boy, fo talk fo him. He tell me, “Hemo da burmbag cloth from yoa body, an take off da slippa from yoa feets.” So I do dat. I take um off an go naked an barefeet.

Isaiah 22:12

My boss, Da One In Charge, Da God Ova All Da Armies, He goin call you dat time Fo cry an stay sad inside, Fo pull out yoa hair, An put on burmbag kine clotheses, Fo show you stay sad inside.

Jeremiah 24:9

I goin make to dem jalike peopo make to rotten figs, so all da odda kings inside da world an dea peopo goin tink horraz bout dem. Dey goin talk bout dem jalike da rotten fig nobody like. Dey goin make fun a dem. An dey goin use dea name fo put kahuna on top peopo wea eva I sen dem.

Joel 1:13

You pries guys, put on burmbag clotheses Fo show you stay sad inside. Cry loud, you guys dat work in front da altar. Wear burmbag clotheses all nite, You guys dat work in front my God. Cuz no mo da wheat an barley sacrifices an da drink sacrifices, No mo notting fo bring inside da Temple Fo Yoa God.

Joel 1:8

Cry cuz you stay sad inside, Jalike one bride, Dat gotta put on burmbag clotheses Fo show she stay sad inside, Cuz da guy she goin marry, he mahke.

Rules Secon Time 28:37

All da peopos ova dea wea Da One In Charge make you guys go, dey goin tink you guys horraz cuz a wat wen happen to you. Dey goin talk bout you guys fo make dea peopo tink plenny, an dey goin make fun a you guys.