Songs 68:8 - Hawaii Pidgin Bible

⁸ Da groun wen shake an wen rain Cuz you was dea, Da God dat stay on top Mount Sinai, Da God dat da Israel peopo pray to.

Songs 68:8 ပူးပေါင်းရင်းမြစ်များ

Songs 114:7

Eh you! Earth! Weneva da Boss show up, You betta shake! Cuz he da God dat Jacob wen pray to.

Songs 41:13

Eh you guys! Tell good tings Bout Da One In Charge! He stay da God fo us Israel peopo From befo time till foeva! Dass how he stay! Dass it!

Songs 68:35

God, you awesome an unreal Wen you stay inside da place Dass spesho fo you! Da God fo us Israel peopo, He give powa to his peopo, An make us strong! I like erybody tell Da good tings God wen do!

Songs 77:18

Yoa thunda wen make noise Jalike da war wagon wheels. Da lightning shine light All ova da world. Get big earthquake too.

Outa Egypt 13:18

Dass why God make da peopo go da odda way, thru da boonies by da Red Sea. Wen da Israel peopo go outa da Egypt land, dea leada guys make ery fifty guys go togedda erytime, so dey jalike one big army ready fo fight.

Outa Egypt 19:16

Morning time, da day numba three, get thunda an lightning, an one heavy cloud ova da mountain top. Had one loud noise jalike from one sheep horn trumpet. All da peopo inside da camp, dey stay sked an shaking!

Outa Egypt 19:18

All ova Mount Sinai, get plenny smoke, cuz Da One In Charge come down from inside dea, burning jalike fire. Da smoke go up jalike da smoke from one place wea dey melt metal. Da whole mountain stay shake plenny!

Isaiah 45:3

I goin give you all da rich kine stuffs Dat dose nations keep inside dark secret places. Da rich kine stuffs dat peopo hide Inside one place wea nobody know. Den you goin know dat me Da One In Charge, Da God fo da Israel peopo. I call you by yoa name fo come by me.

Isaiah 64:1

Eh, Da One In Charge, I wen like fo you open da sky An come down hea awready! If you wen do dat, da mountains goin shake Jalike get earthquake, An fall down in front you!

Isaiah 64:3

Befo time you wen do awesome an unreal kine stuff Dat us guys neva tink you goin do. You wen come down, An da mountains shake jalike get earthquake An fall down in front you,

Habakkuk 3:13

Dat time you wen come fo get yoa peopo outa trouble. You wen help da Israel nation dat you wen pick. You wen wack da leada fo da peopo dat do real bad kine stuff. Can see eryting From his head to his feets. (Time out fo da music.)

Hebrews 12:26

Dat time was God voice dat make da earth shake. But now, he make one promise. He tell, “One mo time I goin make da earth shake, an I goin make da sky shake too.”

Jesus Show 11:19

Den God temple inside da sky come open fo see da Box Fo No Foget Da Deal dat get da Ten Main Rules inside. Den had lightning, an noise, an loud thunda. Da earth shake, an get big hail come down.

Local Leadas 4:14

Den Deborah tell Barak, “Go! Cuz today Da One In Charge stay make you win ova Sisera. Da One In Charge goin go in front you!” So Barak charge down Mount Tabor, an ten tousan guys wit him.