Songs 68:6 - Hawaii Pidgin Bible

⁶ God da one dat give one ohana To da peopo dat no mo ohana. Wen he let da prisona guys Go outa prison, He make shua dey come out solid. Ony da peopo dat go agains God Goin live Inside one hot an dry land Wea no mo notting.

Songs 68:6 ပူးပေါင်းရင်းမြစ်များ

Songs 10:14

But you, erytime dey do humbug kine stuff You see um an make trouble. You know wass happening fo real kine! You get da powa fo pay dem back. Dass why da peopo dat no can fight back Trus you fo take kea dem. You da One dat take kea Da peopo dat no mo faddah o muddah.

Songs 107:10

Some a dem stay inside real dark places Fo dem mahke. Dey prisonas dat stay suffa Cuz dey all tie up wit iron chain.

Songs 107:14

God bring dem outa da real dark places. He broke da chains dat stay tie um up.

Songs 107:34

God make da kine land dat grow plenny fruits Come all mud, Cuz da peopo dat live dea do bad kine stuff.

Songs 113:9

Da One In Charge make da wahines Dat no can get kids stay good inside, Cuz he give um dea home, An now dey get kids. Eh you guys! Tell good tings Bout Da One In Charge!

Songs 146:7

God, he da judge dat make shua Dat da right ting happen Fo da pooa ting peopo Dat get plenny presha. He give food to da peopo Dat stay hungry, An he let da prisona guys go.

Songs 69:33

Cuz Da One In Charge, Him da kine God stay lissen To da peopo dat no mo notting. Even wen his peopo stay prisonas, He no make to dem jalike dey junk.

Smart Guys 23:11

Cuz God, he da One get da kuleana Fo take kea dem, An he real strong. He goin talk to da judge fo dem, An agains you.

Isaiah 61:1

Da Spirit from my Boss, Da One In Charge, He stay in charge a me, Cuz he wen put oil on top my head Fo show he pick me. He sen me fo tell good kine stuff To da peopo dat odda peopo tink not importan, An fo help da peopo dat feel all bum out Fo dem feel good inside one mo time, Fo tell da ones da army guys wen take to dea country, Dey can go home now, An fo tell all da prisona guys, Da prison stay open now fo dem go.

Hosea 2:3

If she no pau make lidat, Den I goin make her come naked Jalike da day she wen born. I goin make her come jalike da boonies An jalike da dry land. An den she goin come thirsty an mahke.

Malakai 1:3

Da Esau peopo, I hate dem. I make dea mountains all bus up fo nobody live ova dea. I make dea land come one place ony da wild jackal dogs live.

Jesus Guys 16:26

Right den an dea, da groun shake real hard an da whole jail shake. Den all da doors fo da jail open. An da chains fall off all da prisona guys.

Galatia 4:27

You know, da Bible tell, “You, da one wahine dat no mo kids, Yell cuz you stay good inside. You neva feel sore from born one bebe. She can bus out an make big noise. Cuz da wahine dat no mo kids, Bumbye she goin get mo plenny kids Den da wahine dat live regula kine wit her husban.”

Rules Secon Time 10:18

He back up da kids dat no mo faddah o muddah, an da wahines dat no mo husban. He get love an aloha fo peopo from anodda place, an give um food an clotheses.

1 Samuel 2:5

An dose buggahs dat befo time get plenny food An come real momona, Now dey gotta bus ass fo find stuff fo eat. But da peopo dat no mo food, Now, dey no stay hungry no moa. An da lady dat no can come hapai, Now goin get seven kids. But da muddah dat get plenny boys befo, Now she no mo!